• Arena gystadlu gyda cheffylau wedi'u gwastrodi ar gyfer dressage a neidio ceffylau
• Mae’r cyfle i sefyll arholiadau cam Cymdeithas Ceffylau Prydain a’r asesiad Marchogaeth a Diogelwch ar y Ffordd ar gael os yw dysgwyr yn bodloni’r safonau gofynnol. 
• Canolfan arholi Cymdeithas Ceffylau Prydain
• Amgylchedd dysgu cefnogol  
• Mae profiad gwaith a Sgiliau Hanfodol yn cynyddu’r siawns o gyflogaeth ar ôl cwblhau'r cwrs 
• Cyfleoedd i gystadlu ar eich ceffyl eich hun neu gyda cheffylau'r coleg 
• Darperir cymorth dysgu yn yr ystafell ddosbarth ac mae sesiynau wythnosol ar gael yn y Parth Astudio os oes angen. 
• Bydd tiwtorialau rheolaidd yn monitro cynnydd ar y cwrs

Unedau Craidd: 

• Iechyd a diogelwch ar gyfer y diwydiannau ar dir  
• Gweithio yn y diwydiant ceffylau 
• Iechyd a lles ceffylau  
• Tac a chyfarpar ceffylau 
• Ymgymryd â dyletswyddau rheolaidd y stabl 
• Egwyddorion bwydo a dyfrio ceffylau 
• Trin a gwastrodi ceffylau 
• Cyflwyniad i arwain ceffylau  

Unedau Opsiynol: 

• Marchogaeth ceffylau ar y fflat
• Cadw ceffylau ar laswellt
• Ymddygiad ceffylau

Gall myfyrwyr sy’n cwblhau'r cwrs hwn yn llwyddiannus gyda theilyngdod neu uwch symud ymlaen i’r diploma uwch lefel tri mewn rheolaeth ceffylau a stablau neu i gyflogaeth yn dilyn cyfweliad llwyddiannus ac isafswm  presenoldeb blaenorol o 85%. 

Mae yna alw cynyddol am bobl sydd â sgiliau ymarferol da i weithio mewn iardiau stablau, gwaith gre a rasio, ymysg disgyblaethau a meysydd eraill. Caiff arholiadau Cymdeithas Ceffylau Prydain eu cydnabod gan y diwydiant ar draws y byd.

Asesiad synoptig ac aseiniadau unedau unigol:  Mae'r rhain yn cael eu gosod yn allanol, eu marcio'n fewnol a'u cymedroli'n allanol.

Arholiad theori diwedd blwyddyn:  Caiff ei osod yn allanol a’i farcio’n allanol a gellir ei sefyll naill ai ar-lein neu fel papur ysgrifenedig.

Mae arholiadau Cymdeithas Ceffylau Prydain yn seiliedig ar waith ymarferol ac ar theori.  Gellir ymgymryd â'r adran gwybodaeth a gofal ceffylau ynghyd â'r adran farchogaeth yn uned geffylau Campws Pibwrlwyd y coleg.

Mae'r cymhwyster hwn ar gael i'w asesu drwy gyfrwng y Saesneg yn unig.

Tri TGAU (gan gynnwys o leiaf un TGAU (A* i C) mewn mathemateg, Cymraeg neu Saesneg) a chyfweliad ac asesiad marchogaeth llwyddiannus.

Mae’n ofynnol i bob dysgwr dalu ffi gweinyddu o £25 cyn cofrestru. 

Bydd angen i chi ddarparu eich deunydd ysgrifennu eich hun a hefyd gallwch fynd i gostau os yw'r adran yn trefnu ymweliadau addysgol.

Yn ychwanegol, mae’n ofynnol i ddysgwyr ddarparu eu cyfarpar marchogaeth eu hunain, gan gynnwys bŵts marchogaeth addas, het sy’n bodloni safonau cyfredol y diwydiant a menig. Mae angen i ddysgwyr ar y llwybr nad yw’n cynnwys marchogaeth gael bŵts iard addas ar gyfer gweithio o amgylch y ceffylau a’r cyfarpar. Mae cymorth ariannol ar gael i ddysgwyr sy’n bodloni’r meini prawf ar gyfer cymorth.