• Profiad ymarferol gydag ystod o anifeiliaid, ond gyda ffocws ar geffylau
• Mae ymweliadau ac ymchwiliadau ymarferol yn ehangu’r profiad dysgu
• Ystod o asesiadau gwahanol (sesiynau ymarferol, profion amlddewis, aseiniadau ysgrifenedig)
• Mae’r cwrs hefyd yn cynnwys sgiliau sylfaenol mewn llythrennedd a rhifedd a’r cyfle i ailsefyll TGAU Mathemateg a Saesneg
• Profiad gwaith (60 awr) i ddatblygu sgiliau cyflogadwyedd
• Mae iechyd a diogelwch yn rhan bwysig o'r cwrs a chaiff ei asesu'n ymarferol ac mewn prawf amlddewis ar-lein byr

• Arferion gwaith diogel ac effeithiol mewn diwydiannau ar dir
• Paratoi i weithio yn y diwydiannau ar dir
• Cynorthwyo gyda chynnal iechyd a lles anifeiliaid
• Cynorthwyo gydag ymarfer anifeiliaid
• Cynorthwyo gyda bwydo a dyfrhau anifeiliaid
• Cynorthwyo gyda pharatoi a chynnal a chadw llety anifeiliaid
• Cynorthwyo gyda thrafod a ffrwyno anifeiliaid

Mae’r cwrs hwn yn gyflwyniad sylfaenol i unrhyw un sy’n bwriadu dilyn gyrfa yn y diwydiannau ceffylau. Gall ymgeiswyr llwyddiannus symud ymlaen i gyflogaeth neu i’r diploma lefel dau mewn gofal ceffylau.  Mae cyfleoedd cyflogaeth yn cynnwys gwastrawd cynorthwyol a gweithio gydag elusennau.

Asesir trwy asesiadau ymarferol, aseiniadau ysgrifenedig a dau brawf amlddewis ar-lein.

Mae'r cymhwyster hwn ar gael i'w asesu drwy gyfrwng y Gymraeg a'r Saesneg.

Tri TGAU graddau A*-G neu gyfwerth, geirdaon da a chyfweliad llwyddiannus.  Bydd y rheiny heb gymwysterau ffurfiol yn cael eu hystyried yn dilyn cyfweliad, geirdaon a phrawf mynediad. 

Disgwylir i ddysgwyr ddarparu eu welingtons a’u dillad glaw eu hunain ar gyfer sesiynau ymarferol.

Mae’n ofynnol i bob dysgwr dalu ffi gweinyddu o £25 cyn cofrestru.

Bydd angen i chi ddarparu eich deunydd ysgrifennu eich hun a hefyd gallwch fynd i gostau os yw'r adran yn trefnu ymweliadau addysgol.