Unedau astudio:

• Egwyddorion ac arferion trafod a gofalu am anifeiliaid yn yr amgylchedd milfeddygol
• Egwyddorion ac arferion cynorthwyo gyda gofal yn yr amgylchedd milfeddygol
• Egwyddorion ac arferion dyletswyddau gweinyddol yn yr amgylchedd gofal milfeddygol

Bydd rhaid i ddysgwyr sy'n dilyn y brentisiaeth hon gyflawni fframwaith o gymwysterau a fydd yn cynnwys:

• Diploma Lefel 2 CQ i Gynorthwywyr Nyrsio Milfeddygol
• Sgiliau hanfodol ar lefel 1 (Cymhwyso Rhif, Cyfathrebu a llythrennedd digidol)

Yn dilyn cwblhau’r brentisiaeth yn llwyddiannus mae gan fyfyrwyr y wybodaeth a’r sgiliau i roi gofal i anifeiliaid yn lleoliad y practis milfeddygol dan gyfarwyddyd neu oruchwyliaeth Milfeddyg neu Nyrs Filfeddygol Gofrestredig.
Ar gwblhau’r Brentisiaeth Sylfaen Lefel 2, mae’n bosibl y gall Prentisiaid symud ymlaen i fod yn nyrs filfeddygol dan hyfforddiant, yn amodol ar fodloni gofynion cofrestru a osodir gan Goleg Brenhinol y Milfeddygon ar gyfer Nyrsys Milfeddygol dan Hyfforddiant.
Gall cyfleoedd ar gyfer dilyniant gynnwys:

• Diploma Lefel 3 mewn Nyrsio Milfeddygol - Ymarfer Anifeiliaid Bach
• Diploma Lefel 3 mewn Nyrsio Milfeddygol (Anifeiliaid Anwes)
• Diploma Lefel 3 mewn Nyrsio Milfeddygol - Ymarfer Ceffylau
• Diploma Lefel 3 mewn Nyrsio Milfeddygol (Ceffylau)
• Prentisiaeth mewn Nyrsio Milfeddygol Prentisiaeth mewn Gofal Anifeiliaid
• Diploma Lefel 3 mewn Gofal Anifeiliaid.

Caiff modiwlau eu hasesu trwy aseiniadau. Mae pob aseiniad yn cynnwys:

• Cyfres o restrau gwirio marcio ymarferol ac astudiaethau achos sy'n asesu elfennau cymhwysedd y cymhwyster a dylid eu cwblhau a'u cadw mewn portffolio o dystiolaeth
• Nifer o dasgau ysgrifenedig sy’n asesu elfennau gwybodaeth y cymhwyster megis adroddiadau, dalennau, taflenni, astudiaethau achos, profion ysgrifenedig, posteri, neu gyflwyniadau.

Gwaith â thâl mewn practis milfeddygol am 2 ddiwrnod yr wythnos o leiaf.Rhaid i’r practis milfeddygol ddarparu mentor/goruchwyliwr yn y gweithle i’r myfyriwr, naill ai Nyrs Filfeddygol neu Filfeddyg cymwysedig neu rywun sydd â phrofiad sylweddol a chyfoes o fewn milfeddygaeth.  

Does dim gofynion mynediad academaidd ffurfiol i ddysgwyr sy’n ymgymryd â’r rhaglen hon.

Bydd angen i fyfyrwyr ddod o hyd i, a phrynu, eu cyfarpar diogelu personol (PPE) eu hunain.

Bydd angen i chi ddarparu eich deunydd ysgrifennu eich hun a hefyd gallwch fynd i gostau ychwanegol os yw'r adran yn trefnu ymweliadau addysgol.