Mae buddsoddi mewn hyfforddiant staff yn allweddol ar gyfer unrhyw sefydliad llwyddiannus ac mae prentisiaethau’n cynnig cyfle gwych i uwchsgilio eich gweithlu. Fodd bynnag, nid yw cyflwyno prentisiaethau heb ei heriau.

Yr Angen am Hyblygrwydd

Rydym wedi gweithio mewn partneriaeth â i greu cyfres o brentisiaethau hyblyg sy’n cyfuno dysgu ar-lein gyda sesiynau wyneb yn wyneb yn yr ystafell ddosbarth. 

Cynlluniwyd ein prentisiaethau Ar-lein ac Ar y Campws gyda chyflogwyr mewn golwg - maen nhw’n gofyn am lai o amser yn y coleg na modelau cyflwyno traddodiadol ac yn lleihau tarfu yn y gweithle. Mae’r dull hyblyg hwn yn golygu bod prentisiaid yn gallu dewis sut, pryd a ble maen nhw am astudio.

Mae darlithoedd fideo ar-lein ar gael ar alw, a gellir eu gweld ar ffôn, tabled neu gyfrifiadur. Mae’r gwersi yn para tua 45 munud ac mae animeiddiadau a graffeg symudol yn dod gyda nhw er mwyn dod â chysyniadau’n fyw. Mae astudio ar-lein yn golygu nad oes angen i brentisiaid fynychu’r coleg mor aml â gyda modelau cyflwyno traddodiadol.

Ar y campws, mae prentisiaid yn elwa ar ddosbarthiadau rheolaidd yn y coleg. Bydd tiwtoriaid coleg profiadol yn trafod ac yn atgyfnerthu pwyntiau dysgu allweddol sy’n deillio o’r astudio ar-lein ac maen nhw wrth law i roi arweiniad ar gynnydd ac asesu. Caiff amser allan o’r gweithle ei leihau diolch i’r deunyddiau dysgu ar-lein.