Gwregys Gwyrdd Lean Six Sigma

Datblygwyd cwrs hyfforddi Gwregys Gwyrdd Lean Six Sigma ar gyfer unrhyw un sy’n gweithio ym maes Rheoli Prosiectau ar hyn o bryd. Mae Lean Six Sigma yn cynnig y gorau o fethodolegau Lean a Six Sigma, gan helpu i safoni gwaith, dileu gwastraff a diffygion, gwella boddhad cwsmeriaid, a helpu'r busnes i ddod yn fwy proffidiol.

Mae’r pynciau a gynhwysir yn y cwrs hwn yn cynnwys hanfodion Lean Six Sigma, y saith gwastraff, cost ansawdd gwael, diffinio problemau, achos busnes, darganfod prosiectau a dadansoddiad systemau mesur. Ystadegau casgliadol, cydberthyniad a dadansoddiad atchweliad, offer Lean ar gyfer gwelliant, siartiau rheoli a dyluniad arbrofion (DoE) i enwi ond ychydig.

Mae arholiad ar y diwedd i brofi dealltwriaeth y dysgwr o’r deunydd a gwmpaswyd. Ar gwblhau’r cwrs, bydd dysgwyr yn gallu deall datrys problemau a dulliau gwella prosesau, a chynllunio a rheoli prosiect DMAIC Lean Six Sigma go iawn. Nodi elfennau cost ansawdd gwael a gwastraff mewn prosesau, strwythuro system fesur a nodi'r metrigau priodol i gefnogi ymdrechion gwella prosesau meintiol. Deall dulliau dadansoddi gwraidd problemau a dulliau dadansoddi gwerth, cyfathrebu â budd-ddeiliaid allweddol a sbarduno newid yn y sefydliad a defnyddio llawer o'r offer gwella prosesau cyffredin.

Mae’r cwrs Gwregys Gwyrdd Lean Six Sigma hwn yn ddelfrydol ar gyfer unigolion sydd am wella ansawdd a phrosesau mewn sefydliad a’r rheiny sydd yn ymgymryd â rolau rheoli prosiectau ar hyn o bryd.

Ffocws y cwrs hwn yw cymhwyso dulliau DMAIC Lean Six Sigma i brosiectau gwella go iawn o fewn sefydliad y dysgwr. Mae dau bwynt mynediad posibl i’r cwrs hwn:

Dim hyfforddiant blaenorol - mae’r cwrs hwn yn darparu’n llawn ar gyfer y rheiny sy’n dymuno mynd yn syth i lefel y Gwregys Gwyrdd. Mae’r holl ddeunydd cwrs sy’n cael ei ddysgu ar lefel y Gwregys Melyn yn cael ei gynnwys yn y cwrs hyfforddi Gwregys Gwyrdd hwn.

Hyfforddiant Gwregys Melyn blaenorol - mae’r cwrs Gwregys Gwyrdd yn cynnwys yr holl ddeunydd a ddysgwyd ar y cwrs Gwregys Melyn, gan ymddwyn fel cwrs gloywi ac yn adeiladu ar wybodaeth y Gwregys Melyn.

Mae cwblhau’r cwrs hwn yn llwyddiannus yn galluogi dysgwyr i wneud cais am amrywiaeth o swyddi sydd ar gael gan gynnwys peiriannydd gwelliant parhaus/lean (gweithgynhyrchu), peiriannydd ansawdd a CI, rheolwr cynnyrch a rheolwr ansawdd. Yn ogystal, gallai dysgwyr hefyd symud ymlaen i’r cwrs Gwregys Du gan roi swyddi uwch â chyflogau gwell iddynt.

£895

Mae'n bosibl y bydd cyllid PLA (Cyfrif Dysgu Personol) a/neu React ar gael i unigolion cymwys er mwyn ariannu'r cwrs hwn. Cliciwch yma i gael rhagor o wybodaeth ac i wirio cymhwysedd.