Diploma Rhyngwladol BCS mewn Dadansoddi Busnes

Mae’r Diploma Rhyngwladol BCS mewn Dadansoddi Busnes yn ardystiad a gydnabyddir gan y diwydiant, fydd yn dysgu’r sgiliau, y technegau a’r wybodaeth i chi sydd eu hangen ar Ddadansoddwr Busnes yn y farchnad sydd ohoni heddiw.

Datblygwyd y cwrs hyfforddi hwn i roi’r sgiliau a’r wybodaeth i chi i wella eich sefydliad. Fel Dadansoddwr Busnes, byddwch yn nodi problemau busnes ac yn helpu eich sefydliadau i ddod o hyd i ddatrysiadau i’r problemau hyn, gan eich gwneud yn ased gwerthfawr i unrhyw sefydliad.

Caiff y Diploma Rhyngwladol mewn Dadansoddi Busnes ei achredu gan BCS, y Sefydliad Siartredig ar gyfer TG, sef y corff achredu arweiniol mewn Dadansoddi Busnes. Mae meddu ar Ddiploma Rhyngwladol BCS mewn Dadansoddi Busnes yn dilysu eich sgiliau ac yn dangos i’ch cyflogwyr bod gennych y wybodaeth, y galluoedd a’r sgiliau sydd eu hangen i ddod yn Ddadansoddwr Busnes.

Mae'r cymhwyster hwn wedi’i anelu at weithwyr proffesiynol busnes a TG sydd eisiau dangos bod ganddynt ddealltwriaeth fanwl o'r arferion dadansoddi busnes gorau.

Nid oes unrhyw ofynion mynediad ar gyfer y cwrs hwn ond bydd dysgwyr yn elwa o gael rhywfaint o brofiad mewn rôl dadansoddwr busnes neu feddu ar ddealltwriaeth gyffredinol o ddadansoddi busnes.

Y swydd fwyaf gyffredin i unigolion sydd wedi cwblhau eu Diploma Rhyngwladol mewn Dadansoddi Busnes yw fel Dadansoddwr Busnes. Gall dysgwyr sy’n cwblhau'r hyfforddiant hwn symud i amrywiaeth o rolau swydd a sectorau, fel Ymgynghori, Rheoli Prosiectau neu Gynllunio Strategol.

Mae'n bosibl y bydd cyllid PLA (Cyfrif Dysgu Personol) a/neu React ar gael i unigolion cymwys er mwyn ariannu'r cwrs hwn. Cliciwch yma i gael rhagor o wybodaeth ac i wirio cymhwysedd.