Disgrifiad o’r Rhaglen
Rheoli Newid yw’r ddisgyblaeth sy’n pennu sut rydym yn paratoi, yn arfogi a chefnogi unigolion i fabwysiadu newid yn y gweithle’n llwyddiannus, wrth ddarparu dull strwythuredig ar gyfer cefnogi unigolion a thimau i symud o gyflwr cyfredol i gyflwr yn y dyfodol.
Yn ystod y cwrs hwn bydd unigolion yn dysgu sut i:
● Ddatgloi gwrthwynebiad i newid
● Darparu cefnogaeth a chymhelliant effeithiol i unigolion a thimau i groesawu newid
● Tynnu ar ystod o ddulliau proffesiynol i weithredu newid yn llyfn ac yn effeithiol
● Rheoli a hysbysu budd-ddeiliaid allweddol ar hyd y broses newid
● Cyflymu gweithrediad mentrau newid
Mae Rheoli Newid yn parhau i ennill cydnabyddiaeth fel rôl hanfodol o fewn sefydliad, oherwydd y galw cynyddol am ymarferwyr, rheolwyr ac arweinwyr newid cymwysedig a phrofiadol. Mae sefydliadau wedi dechrau talu mwy o sylw at faes Rheoli Newid yn ddiweddar, gan eu helpu i feithrin galluoedd mewnol cryfach i hwyluso lefelau newid cynyddol yn well.
Cipolwg
4 Diwrnod
Ystafell Ddosbarth Rithwir
Ar gyfer pwy mae’r cwrs?
Mae’r cymhwyster Sylfaen ac Ymarferydd Rheoli Newid APMG hwn wedi’i anelu at yr holl unigolion sy’n gysylltiedig â newid sefydliadol, gan gynnwys Rheolwyr Newid cyfredol ac yn y dyfodol, yn ogystal â gweithwyr cyflogedig sy’n ymwneud â chynllunio, datblygu a chyflwyno rhaglenni newid.
Gofynion Mynediad
Does dim gofynion mynediad i gofrestru ar y cymhwyster sylfaen hwn, sydd yn ei dro yn ofyniad i gofrestru ar y cymhwyster ymarferydd.
Dilyniant
Bydd y mwyafrif o bobl sy’n ymgymryd â’r cymhwyster hwn yn edrych at weithio fel Rheolwyr Newid Proffesiynol. Bydd Rheolwr Newid yn chwarae rôl allweddol mewn sicrhau bod prosiectau yn bodloni amcanion o ran cyllideb ac o ran amser. Cyflawnir hyn drwy gynyddu dewisiad a defnydd gweithwyr. Yn y rôl hon bydd unigolion yn canolbwyntio ar ochr staffio newid, sy’n cynnwys newidiadau i brosesau busnes, systemau, rôl swydd a swyddogaeth yn ogystal â strwythurau sefydliad.
Cost
Mae'n bosibl y bydd cyllid PLA (Cyfrif Dysgu Personol) a/neu ReAct ar gael i unigolion cwrs hwn. Cliciwch yma i gael rhagor o wybodaeth ac i wirio cymhwysedd.
