Byddwch yn Actif

Mae Byddwch Actif wedi’i sefydlu yng Ngholeg Sir Gâr ers 2009.  

A elwid gynt yn 5x30, cafodd y rhaglen ei sefydlu a'i chynllunio i ysbrydoli myfyrwyr i ymgysylltu â chwaraeon a gweithgaredd corfforol.  

Roedd 5x30 yn fenter gan Chwaraeon Cymru i annog myfyrwyr i gymryd rhan mewn chwaraeon a gweithgaredd corfforol am 30 munud, pum diwrnod yr wythnos.

Deuddeg mlynedd yn ddiweddarach, mae Byddwch Actif wedi esblygu i fod yn rhaglen sydd wedi'i chynllunio'n benodol i fyfyrwyr (ac yn aml gan fyfyrwyr) i barhau ar y siwrnai actif honno yn y coleg - yng Ngholeg Sir Gâr a Choleg Ceredigion a thu hwnt.  

Mae yna amryfal ffyrdd o gymryd rhan yn Byddwch Actif; chwaraeon tîm, dosbarthiadau amser cinio, sesiynau galw heibio, gwersi wedi'u hamserlennu, cydio a mynd, cystadlaethau, digwyddiadau, gwirfoddoli a mwy.  

Mae Byddwch Actif yn rhan bwysig iawn o fywyd coleg, ac rydyn ni'n ceisio annog pob myfyriwr ar bob campws a chwrs i fanteisio'n llawn ar y r amrywiol gynigion er mwyn cyfoethogi eu profiad yn y coleg.  

Er y bydd Byddwch Actif yn edrych yn wahanol ar hyn o bryd, rydyn ni’n dal yn ymroddedig i ddod â rhaglen lawn i chi a fydd yn tanio cariad tuag at chwaraeon a gweithgaredd corfforol.  

Dewch gyda ni ar y daith newydd hon wrth i ni barhau i ddarparu amrywiaeth, hwyl, ffitrwydd a mwy.

Ysbrydoli Dysgwyr

Link to Coleg Sir Gar Instgram      Link to Coleg Sir Gar Facebook      Link to Coleg Sir Gar Twitter     Link to Coleg Sir Gar Linked In 

 

Dolenni Defnyddiol
Cysylltwch

Campws y Graig
Heol Sandy
Pwll
SA15 4DN
01554 748000
Mae'r cyfeiriad e-bost hwn wedi'i warchod rhag robotiaid sbam. Rhaid i chi alluogi JavaScript i'w weld.

Mae Coleg Sir Gâr yn gwmni cyfyngedig trwy warant sydd wedi ei gofrestru yn Lloegr a Chymru Rhif 08539630 ac mae'n elusen gofrestredig Rhif 1152522.
Mae'r swyddfa gofrestredig ar Gampws y Graig, Heol Sandy, Pwll, Llanelli, Sir Gaerfyrddin, SA15 4DN.