Coleg Sir Gâr - HNC Rheolaeth a Thechnoleg Adeiladu

HNC Rheolaeth a Thechnoleg Adeiladu

Holi

Cipolwg

Rhan-Amser
18 Mis
Campws Rhydaman

Mae rheolaeth adeiladu yn cynnig llwybr dilyniant gyrfaol eang gyda nifer o rolau tra chyfrifol mewn diwydiant sy’n tyfu’n gyflym.

Dilysir a dyfernir y rhaglen 18 mis ran-amser hon gan Brifysgol Cymru: Y Drindod Dewi Sant a bwriedir iddi adeiladu ar y wybodaeth a’r sgiliau a enillwyd o ganlyniad i astudiaeth flaenorol neu brofiad.

Fe'i cynlluniwyd i ddarparu cymhwyster sy'n addas ar gyfer y bobl hynny sydd eisoes yn ymarfer, y rheiny sy'n bwriadu ymarfer fel uwch dechnegwyr a'r rheiny sydd am symud ymlaen i astudiaeth bellach.

Nodweddion y Rhaglen

Cynllun modiwlaidd
Cydnabyddir gan gyrff diwydiannol a phroffesiynol fel y Sefydliad Adeiladu Siartredig
Cymhwyster annibynnol
Astudio rhan-amser

Cynnwys y Rhaglen

Mae'r rhaglen fodiwlaidd yn cynnwys o leiaf saith modiwl penodol. Dyfernir y cymhwyster llawn pan fydd yr holl fodiwlau wedi'u cwblhau.

Modiwlau Penodol -

Cyfraith a Chontract Amgylchedd Adeiledig
Technoleg Adeiladu 1
Iechyd, Diogelwch, Lles a Risg mewn Adeiladu
Tendro ac Amcangyfrif
Syrfeo a Mesur Adeiladau
Deunyddiau a Gwyddoniaeth
Rheolaeth Safleoedd

Dilyniant a Chyflogaeth

Gall cwblhau'r HNC yn llwyddiannus wella rhagolygon gyrfa o fewn y diwydiant adeiladu a chyfleoedd cyflogaeth cysylltiedig megis gydag awdurdodau lleol, cymdeithasau tai, ymddiriedolaethau gwasanaeth iechyd, cyfleustodau wedi'u preifateiddio a diwydiannau eraill sy'n berchen ar eiddo. Gellir uwchraddio'r cymhwyster i radd sylfaen gydag astudiaeth bellach.

Dull asesu

Asesir y modiwlau trwy gyfuniad o aseiniadau, prosiectau, profion cyfnodol ac arholiadau.

Gofynion Mynediad

Cymhwyster technegol lefel 3 sy'n gysylltiedig ag adeiladu
Dau gymhwyster Safon Uwch
Myfyriwr hŷn gyda phrofiad, yn amodol ar gyfweliad llwyddiannus
NVQ Lefel 3 mewn disgyblaeth sy'n gysylltiedig ag adeiladu

Costau Ychwanegol

Does dim ffi ychwanegol, fodd bynnag, mae’n debygol y byddwch yn mynd i gostau ychwanegol ar gyfer cyfarpar personol ac ar gyfer teithiau’n gysylltiedig â’r cwrs.