Coleg Sir Gâr - BSc (Anrh) Rheolaeth a Thechnoleg Adeiladu

BSc (Anrh) Rheolaeth a Thechnoleg Adeiladu

Holi

Cipolwg

Rhan-Amser
2 flynedd
Campws Rhydaman

Mae rheolaeth adeiladu yn ddewis gyrfa cyffrous sydd ag ystod o gyfrifoldebau a phosibiliadau o fewn diwydiant sy’n tyfu’n gyflym iawn.

Mae'r rhaglen radd ddwy flynedd ran-amser hon yn cael ei dilysu a'i achredu gan Brifysgol Cymru: y Drindod Dewi Sant (PCYDDS) a bwriedir iddi ddarparu rhaglen astudio gydlynol sy'n datblygu'r sgiliau damcaniaethol, ymarferol a rheolaeth sy'n angenrheidiol i fodloni gofynion diwydiant deinamig sy'n newid yn gyflym.

Fe'i cynlluniwyd i ddarparu cymhwyster sy'n addas ar gyfer y bobl hynny sydd eisoes yn ymarfer, y rheiny sy'n bwriadu ymarfer fel gweithwyr adeiladu proffesiynol a'r rheiny sydd am symud ymlaen i astudiaeth bellach.

Nodweddion y Rhaglen

Prif nod y cwrs yw diwallu anghenion newidiol yr amgylchedd adeiledig trwy baratoi'r rheiny sy'n astudio ar y lefel hon i ennill gradd gydnabyddedig sy'n bodloni anghenion y diwydiant ar hyn o bryd ac yn y dyfodol.

Cynnwys y Rhaglen

Mae'r rhaglen fodiwlaidd yn cynnwys pum modiwl (cyfanswm o 120 o gredydau Lefel 6).

Modiwlau ym Mlwyddyn 1

Cyfraith Contract ac Amgylcheddol Adeiladu
Technoleg Adeiladu ar gyfer Adeiladau Cynaliadwy
Astudiaethau Rheolaeth Adeiladu
Modiwlau ym Mlwyddyn 2 -
Prosiect Grŵp Integredig
Traethawd Hir (8,000 o eiriau)

Dilyniant a Chyflogaeth

Mae'r cwrs hwn yn darparu cyfle i'r rheiny sy'n dymuno symud ymlaen, neu ddechrau, mewn ystod o yrfaoedd sy'n gysylltiedig ag adeiladu megis technoleg bensaernïol, rheolaeth prosiectau, rheoli adeiladu, tirfesur, rheolaeth safle, cynnal a chadw a gwasanaethau.

Dull asesu

Bydd asesiad Blwyddyn 1 trwy dri aseiniad modiwl a thri arholiad.

Bydd asesiad Blwyddyn 2 trwy aseiniad prosiect grŵp integredig a thraethawd hir 8,000 o eiriau.

Gofynion Mynediad

Gradd sylfaen, neu gymhwyster HND cysylltiedig yn amodol ar reoliadau PCYDDS

Mae'r brifysgol yn croesawu ceisiadau ar sail dysgu blaenorol. Gellir cael manylion pellach gan diwtor y cwrs.

Costau Ychwanegol

Does dim ffi ychwanegol, fodd bynnag, mae’n debygol y byddwch yn mynd i gostau ychwanegol ar gyfer cyfarpar personol ac ar gyfer teithiau’n gysylltiedig â’r cwrs.