Cwestiynau Cyffredin.
Rydym yn cynnig ystod eang o gyrsiau llawn amser gan gynnwys rhaglenni Safon Uwch a rhaglenni galwedigaethol. Yn ogystal rydym yn cynnig prentisiaethau, rhaglenni astudio rhan-amser a chyrsiau byr.
Mae llawer o’n dysgwyr yn symud ymlaen i brifysgol, yng Nghymru a thu hwnt. Cefnogir yr holl ddysgwyr gyda'u ceisiadau UCAS trwy Diwtorialau un-i-un.
Mae gan y coleg gysylltiadau rhagorol gyda phrifysgolion Rhydychen a Chaergrawnt a’r Grŵp Russell a thrwy ein rhaglen ACE a’r rhwydwaith Seren, caiff myfyrwyr eu paratoi’n drylwyr ar gyfer gwneud cais a chyfweliad.
Yn ogystal mae'r coleg yn cefnogi dysgwyr i gael gwaith, ac rydym wedi datblygu cysylltiadau rhagorol gyda diwydiant. Cynigiwn lwybrau prentisiaeth mewn ystod eang o sectorau. Mae arweiniad gyrfaol ar gael trwy gyfweliadau Tiwtorial un-i-un, a thrwy Gyrfa Cymru.
Mae pwyntiau Tariff UCAS yn trosi eich cymwysterau a'ch graddau yn werth rhifiadol. Mae gan lawer o gymwysterau (ond nid pob un) werth Tariff UCAS, a fydd yn amrywio yn dibynnu ar faint y cymhwyster, a’r radd rydych wedi’i hennill.
Mae rhai prifysgolion, colegau a conservatoires yn cyfeirio at bwyntiau Tariff UCAS yn y gofynion mynediad ar gyfer eu cyrsiau, ond nid yw hyn yn golygu na fyddant yn ystyried cymwysterau nad ydynt yn ymddangos ar y Tariff, felly mae'n ddoeth gwirio gofynion mynediad y cwrs yn ofalus.
Gallwch edrych ar eich pwyntiau Tariff UCAS trwy ddod o hyd i'ch cymwysterau ar gyfrifiannell pwyntiau Tariff UCAS trwy'r wefan ganlynol https://www.ucas.com/ucas/tariff-calculator
Ymhlith y cyfleusterau niferus sy'n canolbwyntio ar y myfyrwyr mae:
Mae polisïau sy'n ymwneud â'r Cod Ymddygiad, y System Ddisgyblu, Presenoldeb a Gweithdrefnau Monitro Absenoldeb i'w gweld yma.
Rydym yn ymfalchïo yn y lefel o gymorth sydd ar gael. Mae gennym dîm o fentoriaid a chynghorwyr hyfforddedig i roi cefnogaeth gyfrinachol 1:1 ar ystod o faterion lles.
Yn ogystal, rydym yn darparu cymorth dysgu i bobl ag Anghenion Ychwanegol. Mae’r cymorth hwn yn cynnwys addysgu arbenigol 1:1, darparu consesiynau arholiad, cymorth gan gynorthwywyr cymorth dysgu yn yr ystafell ddosbarth a help gyda chyfarpar a meddalwedd arbenigol.
Os yw dysgwyr wedi cael cymorth yn yr ysgol, mae'n fwy tebygol y gallwn ni ddarparu hyn yn ystod eu hamser yn y coleg. Gallai’r cymorth hwn gynnwys:
- Cymorth 1:1 neu gymorth grŵp gyda Chynorthwy-ydd Cymorth Dysgu yn y dosbarth
- Amser ychwanegol ar gyfer arholiadau/asesiadau allanol
- Cymorth ac arweiniad gyda Dyslecsia
- Cefnogaeth mentora a chynghori
- Lle tawel yn ystod y dydd
Os oes gennych unrhyw gwestiynau neu os ydych angen arweiniad pellach, cysylltwch â’n Cyfarwyddwr Cynorthwyol Dysgu a Lles, Mae'r cyfeiriad e-bost hwn wedi'i warchod rhag robotiaid sbam. Rhaid i chi alluogi JavaScript i'w weld.
Efallai y bydd myfyrwyr yn gallu gwneud cais am gyllid trwy Cyllid Myfyrwyr Cymru, yn dibynnu ar eu hoedran, eu dull astudio ac incwm y cartref. Mae’r cynlluniau yn cynnwys Lwfans Cynnal Addysg (EMA) ar gyfer dysgwyr 16-18 mlwydd oed, Grant Dysgu Llywodraeth Cymru (WGLG) ar gyfer pobl 19+ oed a chynlluniau ar gyfer myfyrwyr Addysg Uwch trwy grantiau a benthyciadau. I ddarganfod mwy, edrychwch ar eu gwefan www.cyllidmyfyrwyrcymru.co.uk. Mae ffurflenni cais ar gael ar bob campws a gall myfyrwyr AU wneud cais ar-lein trwy Cyllid Myfyrwyr Cymru.
Mae’n bosibl y gall Myfyrwyr Addysg Bellach (AB) hefyd wneud cais am gyllid trwy Gronfa Ariannol Wrth Gefn y Coleg (FCF) am gymorth gyda chostau megis costau hanfodol cwrs, costau gofal plant, ffi’r gwasanaeth datgelu a gwahardd (DBS) a chostau teithio. Mae’r gronfa hon hefyd yn ddibynnol ar incwm y cartref ac mae ffurflenni cais ar gael ar bob campws. Mae ein Gweithwyr Cyswllt a Chefnogi yn hapus i helpu gydag unrhyw un o’r opsiynau cyllid a nodwyd a gellir cysylltu â nhw yn uniongyrchol.
Campws Rhydaman a’r Gelli Aur - Jamie Davies @ 01554 748305 Mae'r cyfeiriad e-bost hwn wedi'i warchod rhag robotiaid sbam. Rhaid i chi alluogi JavaScript i'w weld.
Campws y Graig – Debbie Williams @ 01554 748036 Mae'r cyfeiriad e-bost hwn wedi'i warchod rhag robotiaid sbam. Rhaid i chi alluogi JavaScript i'w weld.
Campws Ffynnon Job a Phibwrlwyd – Filipe Nunes @ 01554 748070 Mae'r cyfeiriad e-bost hwn wedi'i warchod rhag robotiaid sbam. Rhaid i chi alluogi JavaScript i'w weld.
Er nad oes gan y coleg ei neuaddau ei hun ar gyfer myfyrwyr, mae gennym restr o landlordiaid preifat sy'n cynnig llety i fyfyrwyr a gall ein myfyrwyr Addysg Uwch gael mynediad i floc llety Prifysgol Cymru: Y Drindod Dewi Sant, mae mwy o wybodaeth ar gael yn https://www.uwtsd.ac.uk/cy/llety
Mae gan y coleg amrywiaeth o glybiau a chymdeithasau sy'n cael eu rhedeg yn ôl y galw, gan gynnwys, Undeb Cristnogol, Clwb Ffilm ac ati. Mae mwy o wybodaeth ynglŷn â chlybiau ar gael yn swyddfa'r campws.
Mae gan y coleg Undeb Myfyrwyr gyda swyddogion sy’n cymryd rhan mewn etholiadau ar gyfer Llywydd ym mis Mai a rolau swyddogion eraill ym mis Hydref bob blwyddyn. Cynrychiola’r swyddogion y corff myfyrwyr ar bob lefel gan gynnwys y Bwrdd Llywodraethwyr.
Eu cenhadaeth yw gwneud gwahaniaeth ac i weithio gyda’r holl fyfyrwyr er mwyn gwneud i newid ddigwydd. Cysylltwch â’r Undeb Myfyrwyr am fwy o wybodaeth Mae'r cyfeiriad e-bost hwn wedi'i warchod rhag robotiaid sbam. Rhaid i chi alluogi JavaScript i'w weld.
