Coleg Sir Gâr - Diploma Lefel 4 ILM mewn Egwyddorion Arweinyddiaeth a Rheolaeth

Diploma Lefel 4 ILM mewn Egwyddorion Arweinyddiaeth a Rheolaeth

Holi

Cipolwg

Rhan-Amser
2 flynedd (un diwrnod y mis yn y coleg gyda chefnogaeth diwtorial unigol)
Campws Pibwrlwyd

Os ydych chi’n rheolwr llinell ac eisiau adeiladu eich gyrfa reoli hyd yn oed ymhellach, yna bydd y cwrs hwn yn eich helpu i ddatblygu dealltwriaeth ddyfnach o sut i fod yn arweinydd effeithiol yn eich sefydliad.

Mae gan fyfyrwyr fynediad i ddeunyddiau dysgu ar unrhyw adeg o’r dydd neu’r nos drwy Google Classrooms a llyfrgell ddigidol ategol ar-lein y coleg. Yn ychwanegol at hyn, mae ganddynt gymorth tiwtor neilltuedig a thiwtorialau un i un penodedig i gynorthwyo myfyrwyr cyn iddynt gyflwyno gwaith yn ddigidol ar-lein.

Mae ffioedd cwrs yn berthnasol sy'n talu am hyfforddiant, asesu a sesiynau tiwtorial - pris ar gael ar gais.

Nodweddion y Rhaglen

Mae'r rhaglen yn canolbwyntio ar ddatblygu sgiliau craidd mewn rheolaeth ganol. Dysgwch am sut i gyfathrebu gweledigaeth y sefydliad yn effeithiol i’ch tîm a sut i reoli a datblygu perthnasoedd â budd-ddeiliaid allweddol. Datblygwch eich sgiliau arwain drwy ysgogi a datblygu eich tîm hyd eithaf eu gallu. Mae’r rhaglen yn rhoi sgiliau i unigolion mewn datrys problemau, meddwl yn feirniadol, arweinyddiaeth a sgiliau cyflogadwyedd allweddol.

Cynnwys y Rhaglen

Mae’r rhaglen yn cynnwys saith uned:

Deall y rôl rheolaeth er mwyn gwella perfformiad rheolaeth
Deall a datblygu perthnasoedd yn y gweithle
Rheoli a gweithredu newid yn y gweithle
Deall arweinyddiaeth
Rheoli datblygiad personol
Datblygu pobl yn y gweithle
Deall arfer da wrth hyfforddi yn y gweithle
Gellir addasu/teilwra unedau’r rhaglen i weddu i anghenion unigolion a chyflogwyr.

Dilyniant a Chyflogaeth

Yr hyn byddwch chi’n ei gyflawni:

Byddwch yn ennill y wybodaeth i gefnogi eich rôl rheolaeth ganol
Dysgu sut i gael rheolaeth ar eich datblygiad personol
Deall newid yn y gweithle
Adeiladu perthnasoedd cadarnhaol a chynhyrchiol yn y gwaith
Cymhwyster a gydnabyddir yn genedlaethol

Buddion i’r cyflogwr:

Bydd eich cyflogwr yn cael rheolwyr canol llawn cymhelliant gyda gallu profedig i berfformio
Cael y fantais o weithio gyda rheolwyr sy'n gallu asesu a gwella eu datblygiad eu hunain
Cyflawni gwell cyfathrebu a chydweithio mewn timau

Dull asesu

Mae’r holl unedau ar sail aseiniad.

Costau Ychwanegol

Bydd angen i chi ddarparu eich deunydd ysgrifennu eich hun a hefyd gallwch fynd i gostau os yw'r adran yn trefnu ymweliadau addysgol.