Mae’r cymhwyster hwn yn rhoi dealltwriaeth fanwl i ddysgwyr o’r wybodaeth a’r sgiliau sydd eu hangen wrth weithio’n uniongyrchol gyda phlant a phobl ifanc mewn amgylchedd ysgol a choleg. Mae'n ymdrin â phob agwedd ar gymorth arbenigol, gan gynnwys: cynllunio; gweithredu ac adolygu strategaethau asesu i ategu dysgu ochr yn ochr â'r athro; cymorth dwyieithog; cymorth anghenion arbennig; a datblygiad personol ac ymarfer myfyriol.

Caiff yr holl ddysgwyr eu cefnogi gan Ymgynghorydd Hyfforddi/Aseswr a fydd yn monitro cynnydd tuag at gyflawni targedau yn rheolaidd. Bydd yr Ymgynghorydd Hyfforddi/Aseswr yn cysylltu'n agos â'r cyflogwr i sicrhau bod y cymwysterau yn cael eu cyflawni o fewn y raddfa amser.

Bydd yr Ymgynghorydd Hyfforddi/Aseswr yn asesu’r Prentis yn y gweithle yn ôl yr angen. Mae staff profiadol, gwybodus a chefnogol yn cyflwyno unedau yn y coleg.

Mae unedau gorfodol yn cynnwys:

• Deall datblygiad plentyn a pherson ifanc;
• deall sut i ddiogelu lles plant a phobl Ifanc;
• Hyrwyddo cydraddoldeb;
• amrywiaeth a chynhwysiant mewn gwaith gyda phlant a phobl ifanc;
• cefnogi iechyd a diogelwch plant a phobl ifanc;
• cefnogi gweithgareddau dysgu. 

Enghraifft o unedau opsiynol:

• Cefnogi datblygu llythrennedd;
• cefnogi datblygu rhifedd;
• darparu cymorth dwyieithog ar gyfer addysgu a dysgu;
• cefnogi plant a phobl ifanc yn ystod cyfnodau o drawsnewid yn eu bywydau;
• arwain gweithgarwch allgyrsiol; arwain ac ysgogi eraill. 

Mae sgiliau cymhwyso rhif hanfodol, sgiliau cyfathrebu hanfodol a sgiliau llythrennedd digidol hanfodol hefyd yn ofynnol o ran y fframwaith. 

Gall dysgwyr symud ymlaen i’r Dystysgrif Lefel 4 ar gyfer yr Ymarferydd Uwch mewn Ysgolion a Cholegau, gradd sylfaen neu rolau arbenigol o fewn y gweithlu.

Mae’r cymhwyster hwn yn asesiad seiliedig ar E-bortffolio drwy gasgliad o aseiniadau ysgrifenedig a gwaith cwrs, arsylwadau yn y gwaith a thystiolaeth yn y gwaith. 

Gofynion Mynediad:  Rhaid bod y prentisiaid yn cael eu cyflogi fel aelodau o weithlu’r ysgol sy’n cefnogi’n uniongyrchol addysgu a dysgu disgyblion mewn maes sy’n gofyn am wybodaeth a sgiliau arbenigol. Amodol ar gyfweliad llwyddiannus.