• Cwrs ymarferol.
• Staff caredig, gofalgar a gwybodus.
• Fferm goleg ardderchog gydag ystod dda o anifeiliaid a pheiriannau ynghyd ag ymweliadau rheolaidd â ffermydd, marchnadoedd a sioeau.

Mae gan ein cwrs amaethyddiaeth lefel un amrywiaeth o unedau gan gynnwys:

• Gofalu am anifeiliaid megis gwartheg llaeth, gwartheg bîff a defaid.  
• Dysgu am beiriannau fferm, gan gynnwys tractorau ac offer.
• Dysgu am gnydau a ddefnyddir mewn ffermio da byw.

Bydd y tasgau ymarferol yn cael eu cyflawni ar fferm y coleg yn ystod sesiynau fferm ymarferol, lle byddwch yn cael eich dysgu i wneud amrywiaeth o dasgau bob dydd fel bwydo, gosod gwelyau gwellt, glanhau llociau, wyna, lloia a phob gofal iechyd arferol.

Yn dilyn llwyddiant ar lefel teilyngdod neu ragoriaeth fe allech chi symud ymlaen i gwrs lefel dau llawn amser neu brentisiaeth..  Mae’r staff yn hapus i’ch cefnogi a’ch tywys o ran eich dyheadau.

Bydd hyn yn seiliedig ar asesiadau ymarferol, llafar ac ysgrifenedig sy'n barhaus trwy gydol y cwrs.

Gall rhai fod yn seiliedig ar berfformiad a bydd eraill yn canolbwyntio ar wybodaeth greiddiol yr uned. 

Hefyd bydd dau arholiad ar-lein.

Mae'r cymhwyster hwn ar gael i'w asesu drwy gyfrwng y Gymraeg a'r Saesneg.

Tri TGAU graddau A* i G neu gyfwerth a chyfweliad lllwyddiannus.  Mae’n hanfodol bod gennych ddiddordeb mewn ffermio, da byw a chnydau.  

Mae’n ofynnol i bob dysgwr dalu ffi gweinyddu o £25 cyn cofrestru.

Disgwylir i ddysgwyr ddarparu eu welingtons blaenau dur, bŵts diogelwch, oferôls a dillad gwrth-ddŵr eu hunain ar gyfer sesiynau ymarferol.

Bydd angen i chi ddarparu eich deunydd ysgrifennu eich hun a hefyd gallwch fynd i gostau os yw'r adran yn trefnu ymweliadau addysgol.