Coleg Sir Gâr - Amaethyddiaeth Lefel 2

Amaethyddiaeth Lefel 2

Holi

Cipolwg

Llawn Amser
Blwyddyn
Campws Gelli Aur

Mae'r cwrs hwn wedi'i anelu at y rheiny sydd â rhywfaint o brofiad o ffermio ymarferol.

Mae ganddo elfennau o wyddor planhigion ac anifeiliaid, hwsmonaeth anifeiliaid, peiriannau ac agweddau amgylcheddol drwy sgiliau ystad, sy’n dangos yr ystod eang o wybodaeth sydd ei hangen i weithio o fewn busnes ffermio.

Byddwch yn cymryd rhan mewn cymysgedd o addysgu ymarferol ac yn yr ystafell ddosbarth.

Fel rhan o’r cwrs, mae elfen o brofiad gwaith gorfodol a fydd yn helpu datblygu sgiliau a gwella cyflogaeth yn y diwydiant ar dir.

Fel rhan o’r rhaglen, bydd dysgwyr hefyd yn cwblhau cymwysterau sgiliau hanfodol mewn rhifedd a llythrennedd. Bydd cyfleoedd hefyd yn cael eu darparu ar gyfer TGAU mewn Saesneg a mathemateg, a fydd yn hanfodol er mwyn parhau i lefel tri.

Nodweddion y Rhaglen

Adnoddau a chyfleusterau ardderchog
Cymysgedd o wersi ymarferol a theori
Amrywiaeth ragorol o ymweliadau a siaradwyr gwadd
Cyfwerth â phedwar TGAU
Mae’r cwrs yn cynnwys profiad gwaith
Arbenigedd a chefnogaeth staff

Cynnwys y Rhaglen

Iechyd a diogelwch ar gyfer y diwydiannau ar dir
Peiriannau Amaethyddol
Hwsmonaeth Cnydau
Cynhyrchu Anifeiliaid Fferm
Cynnal a chadw ystâd
Gwyddor Planhigion ac Anifeiliaid
Gweithio yn y Diwydiant Amaethyddol

Dilyniant a Chyflogaeth

Bydd cwblhau’r cwrs yn llwyddiannus ar lefel teilyngdod neu’n uwch yn gwneud myfyrwyr yn gymwys i symud ymlaen i gyrsiau eraill ar lefel tri. Mae’r cwrs yn rhoi hyfforddiant ymarferol cynhwysfawr i’r rheiny sydd am fynd ati i ffermio’n ymarferol ac mae’n darparu gwybodaeth sylfaenol ragorol ar gyfer prentisiaethau.

Dull asesu

Mae asesu’r cwrs yn cynnwys arholiadau ffurfiol a osodir yn allanol, asesiadau ysgrifenedig ac asesiadau ymarferol gyda’r nod o brofi eich gwybodaeth a’ch sgiliau ymarferol.

Mae'r cymhwyster hwn ar gael i'w asesu drwy gyfrwng y Saesneg yn unig.

Gofynion Mynediad

Bydd hi’n ofynnol i chi gael:

Cymhwyster lefel un ar lefel teilyngdod neu’n uwch neu
Bedwar TGAU ar raddau A* i E gydag o leiaf un TGAU ar radd A* i C mewn Cymraeg, Saesneg neu fathemateg.
Yn ogystal, rhaid i chi gael cyfweliad llwyddiannus a dangos brwdfrydedd tuag at amaethyddiaeth a meddu ar y profiad amaethyddol priodol.

Costau Ychwanegol

Mae’n ofynnol i bob dysgwr dalu ffi gweinyddu o £25 cyn cofrestru.

Disgwylir i ddysgwyr ddarparu eu welingtons blaenau dur, bŵts diogelwch, oferôls a dillad gwrth-ddŵr eu hunain ar gyfer sesiynau ymarferol.

Bydd angen i chi ddarparu eich deunydd ysgrifennu eich hun a hefyd gallwch fynd i gostau os yw'r adran yn trefnu ymweliadau addysgol.