Tystysgrif Lefel 2 AAT mewn Cyfrifyddu (Ar-lein ac Ar y Campws)

Bydd y cymhwyster hwn yn eich paratoi ar gyfer rolau cyfrifyddu lefel iau a mynediad.  Mae'n darparu sylfaen gadarn mewn gweinyddu cyllid - gan gwmpasu meysydd fel cofnodi dwbl i egwyddorion costio sylfaenol a defnyddio meddalwedd cyfrifyddu.

Ar gwblhau’r cwrs hwn yn llwyddiannus, byddwch yn cael Tystysgrif Sylfaen Lefel 2 AAT mewn Cyfrifyddu. Mae’r cymhwyster AAT (Cymdeithas y Technegwyr Cyfrifyddu) hwn a gydnabyddir yn rhyngwladol yn galluogi’r rheiny sy’n gweithio ym maes cyfrifyddu neu’r rheiny sydd am ddilyn cyfrifeg fel gyrfa i ennill gwybodaeth, profiad ymarferol a’r ardystiad hollbwysig y mae cyflogwyr yn aml yn chwilio amdano. 

 Mae’r cwrs Lefel 2 yn ymdrin ag ystod o feysydd allweddol, gan gynnwys: 

• Cyflwyniad i Gadw Cyfrifon
• Egwyddorion Cadw Cyfrifon
• Egwyddorion Costio
• Yr Amgylchedd Busnes

Yn ogystal, byddwch yn datblygu sgiliau cyfathrebu busnes a dysgu gydol oes, gan gymhwyso'r hyn a ddysgwch ar y cwrs i gyd-destun ehangach y diwydiant.

Rydym wedi partneru gyda Mindful Education i gyflwyno’r cwrs hwn trwy ein model Ar-lein ac Ar y Campws hyblyg.  

Ar-lein, byddwch yn astudio gwersi fideo arobryn, sydd ar gael ar alw, ac y gellir eu gweld ar eich ffôn, tabled neu gyfrifiadur - sy’n golygu y gallwch ddewis sut, pryd a ble rydych chi am astudio. Mae’r gwersi yn para tua 45 munud ac mae animeiddiadau a graffeg symudol yn dod gyda nhw er mwyn dod â chysyniadau’n fyw. Mae cwestiynau ymarfer, deunyddiau gwersi y gellir eu lawrlwytho ac astudiaethau achos rhyngweithiol yn helpu i wella’r profiad dysgu ymhellach a dylai dysgwyr ddisgwyl treulio tua 4-5 awr yn astudio’n annibynnol ar-lein bob wythnos.  

Ar y campws, rydych yn elwa ar ddosbarthiadau rheolaidd gyda thiwtor coleg - heb orfod ymrwymo i fynychu sawl noson bob wythnos. Bydd eich tiwtor yn adolygu’r hyn rydych wedi’i ddysgu yn ystod eich gwersi ar-lein a bydd wrth law i roi arweiniad ar gynnydd ac asesu.   Bydd trafodaeth gyson gyda chyd-fyfyrwyr yn helpu i atgyfnerthu pwyntiau allweddol tra hefyd yn darparu'r gefnogaeth ychwanegol a'r cymhelliant a ddaw yn sgil bod yn rhan o grŵp.

Ar gwblhau’r cwrs hwn yn llwyddiannus, gallwch symud ymlaen i Gymwysterau Cyfrifyddu AAT lefel uwch (Lefel 3 ac yna ymlaen i Lefel 4).  O dan fenter y Gronfa Sgiliau Genedlaethol, efallai y byddwch yn gymwys ar gyfer cwrs Lefel 3 wedi’i ariannu’n llawn. Fel arall, gallwch wneud cais am fenthyciad dysgwr uwch i dalu cost eich astudiaeth Lefel 3. Gofynnwch i aelod o staff y coleg am fwy o wybodaeth.

Bydd y sgiliau a’r wybodaeth y byddwch yn eu hennill trwy gydol y cymhwyster hwn yn eich cymhwyso ar gyfer rolau gan gynnwys Cynorthwyydd Cyfrifon, Cynorthwyydd Cyllid, Cynorthwyydd Rheoli Credyd neu Glerc Llyfr Pryniadau.

Mae’r cwrs hwn yn cael ei asesu trwy arholiadau ar gyfrifiadur ac asesiad synoptig, sy’n tynnu ar, ac yn asesu, gwybodaeth a dealltwriaeth ar draws y cymhwyster.

Does dim gofynion mynediad ffurfiol ar gyfer y cwrs hwn. Byddai gwybodaeth flaenorol o gyfrifyddu neu gymhwyster Cadw Cyfrifon Lefel 1 yn fanteisiol ond nid yw’n hanfodol.