Prentisiaeth; AAT Cyfrifyddu Lefel 4 - Diploma mewn Cyfrifyddu Proffesiynol

Mae Diploma’r AAT mewn Cyfrifyddu Proffesiynol yn cynnwys pynciau a thasgau cyfrifyddu a chyllid lefel uchel.   Bydd myfyrwyr yn edrych ar ac ymgyfarwyddo ag ystod eang o sgiliau a chymwysiadau rheolaeth ariannol.

Bydd pob dysgwr yn cael ei gefnogi gan ymgynghorydd hyfforddi/aseswr a fydd yn monitro cynnydd tuag at gyflawni targedau yn rheolaidd ac a fydd yn cysylltu’n agos â’r cyflogwr i sicrhau bod cymwysterau’n cael eu cyflawni o fewn graddfeydd amser.  Hefyd byddan nhw’n asesu’r prentis yn y gweithle yn ôl y gofyn.

Bydd yr AAT yn gofyn i bob myfyriwr gofrestru gyda'r corff proffesiynol.   Gall cyfyngiadau aelodaeth fod yn berthnasol.  Mae gwybodaeth ar gael yn www.aat.org.uk.

Ar ôl cymhwyso, bydd myfyrwyr yn dod yn aelodau cyswllt o’r AAT yn awtomatig a byddant, gyda phrofiad gwaith perthnasol, yn gymwys i gael aelodaeth AAT lawn, a fydd yn caniatáu iddynt ddefnyddio'r llythrennau MAAT ar ôl eu henw.

Gall sgiliau a ddatblygir drwy’r cymhwyster hwn arwain at gyflogaeth fel: 

• Technegydd Cyfrifyddu Proffesiynol, 
  • Cyfrifydd Cynorthwyol Rheoli
  • Dadansoddwr Masnachol 
  • Rheolwr Cyflogres 
  • Uwch Geidwad Cyfrifon
  • Uwch Swyddog Ariannol
  • Goruchwyliwr Cyfrifon Taladwy a Threuliau 
  • Cyfrifydd Cynorthwyol Ariannol 
  • Cyfrifydd Cost  
  • Rheolwr Treth Anuniongyrchol 
  • Rheolwr Taliadau a Biliau 
  • Uwch Gyfrifydd Cronfa 
  • Goruchwyliwr Treth 

Mae Diploma’r AAT mewn Cyfrifyddu Proffesiynol yn cwmpasu’r unedau canlynol:

• Cyfrifon Rheoli Cymhwysol 
• Drafftio a Dehongli Datganiadau Ariannol
• Systemau a Rheolaethau Cyfrifyddu Mewnol
• Treth Bersonol 
• Archwilio a Sicrwydd 

Caiff y pum uned hyn eu hasesu’n unigol mewn asesiadau diwedd uned ar gyfrifiadur.

Mae’r cwrs hefyd yn cynnwys Sgiliau Hanfodol mewn cyfathrebu a chymhwyso rhif ar lefel dau (Gall eithriadau fod yn berthnasol).

Byddai angen unrhyw un o’r llwybrau canlynol: cwblhad diploma lefel tri mewn cyfrifyddu neu lefel tri mewn cyfrifyddu; gradd gyfrifyddu berthnasol wedi’i chymeradwyo gan AAT cyn cychwyn.  Mae mynediad i’r brentisiaeth hefyd yn dibynnu ar gyflogaeth addas.

Yn ogystal argymhellir safon dda mewn mathemateg a Saesneg.  Bydd unrhyw brofiad galwedigaethol mewn cyfrifyddu o fudd enfawr.