Cyflwyniad i Fusnes a Thwristiaeth Lefel 1

Disgrifiad o'r Rhaglen


Cymerwch eich camau cyntaf ar lwybr a fydd yn rhoi cipolwg i chi i’r diwydiant busnes a'r diwydiant twristiaeth hefyd. Mae'r cwrs hwn yn ddelfrydol ar gyfer myfyrwyr sydd am ddatblygu eu hyder ac ystod eang o sgiliau trosglwyddadwy. Mae’n anelu at feithrin a chefnogi datblygiad sgiliau yn barod ar gyfer astudiaeth bellach. Mae llawer o ddysgwyr yn symud ymlaen i raglen Lefel 2 mewn Busnes, Teithio a Thwristiaeth neu Letygarwch. Gall eraill ddewis llwybrau astudio pellach gwahanol neu gyflogaeth. 

Byddwch yn ymgymryd â thasgau damcaniaethol ac ymarferol a fydd yn arwain at gyfleoedd i ddatblygu ystod o sgiliau a thechnegau personol, sy’n hanfodol ar gyfer perfformiad llwyddiannus mewn bywyd gwaith.

Cipolwg

  Llawn Amser

  Blwyddyn

  Campws y Graig

Nodweddion y Rhaglen


Cynlluniwyd y cwrs hwn i ffurfio cysylltiadau agos â busnesau lleol a'r diwydiant twristiaeth. Byddwch yn cael golwg realistig ar y gofynion o weithio yn y sector busnes a thwristiaeth mewn amgylchedd ysgogol a chyffrous.

Cewch y cyfle i archwilio diwydiannau trwy ymweliadau â busnesau ac atyniadau ymwelwyr. Byddwch hefyd yn gallu rhoi theori ar waith trwy gefnogi digwyddiadau mewn partneriaeth â busnesau lleol a’r diwydiant twristiaeth.

Cynnwys y Rhaglen


Mae’r unedau craidd yn canolbwyntio ar ddatblygiad personol ac yn cynnwys: bod yn drefnus, gweithio gydag eraill, datblygu cynllun dilyniant personol ac ymchwilio i bwnc. 

Mae unedau eraill yn cwmpasu pynciau megis gwasanaeth cwsmer, archwilio busnesau ac atyniadau ymwelwyr lleol, brandio a hyrwyddo a chynnal digwyddiad.

Mae sgiliau llythrennedd a rhifedd yn bwysig i bob myfyriwr, felly mae'r cwrs hefyd yn ymgorffori astudiaeth orfodol naill ai o Gymwysterau TGAU neu Sgiliau Hanfodol yn dibynnu ar raddau TGAU.

Ar ôl cwblhau eu hastudiaeth bydd myfyrwyr yn cael Diploma Rhagarweiniol Lefel 1 BTEC mewn Busnes

Dilyniant a Chyflogaeth


Diben y cwrs hwn yw datblygu’r sgiliau trosglwyddadwy, y priodoleddau a’r ymddygiadau sydd eu hangen ar ddysgwyr i symud ymlaen i astudiaeth bellach.  Gall y dilyniant hwn gymryd llawer o lwybrau megis i raglen lefel 2, llwybrau astudio eraill neu brentisiaeth, gan arwain yn y pen draw at gyflogaeth.

Mae cyfleoedd dilyniant yn destun cyfweliad ac yn dibynnu ar gyflawniadau'r myfyrwyr ar Lefel 1.  Er mwyn symud ymlaen, mae disgwyl i ddysgwyr gwblhau’r cwrs gyda phroffil pas llawn a dangos cynnydd mewn llythrennedd, rhifedd a llythrennedd digidol.

Asesu'r Rhaglen


Asesir unedau yn fewnol gan ddefnyddio aseiniadau a ddyfeisiwyd gan y ganolfan.

Gall y dulliau asesu hyn gynnwys arsylwi mewn sefyllfaoedd cysylltiedig â gwaith, cyflwyniadau, prosiectau, chwarae rôl, cyfweliadau neu ysgrifennu estynedig.

Gofynion y Rhaglen


Bydd angen o leiaf dau bwnc TGAU graddau D-G arnoch i astudio’r cwrs hwn. Bydd y rheiny heb gymwysterau ffurfiol yn cael eu hystyried yn dilyn cyfweliad a phrawf mynediad.

Costau Ychwanegol


Mae’n ofynnol i bob dysgwr dalu ffi gweinyddu o £45 cyn cofrestru.

Bydd angen i chi ddarparu eich deunydd ysgrifennu eich hun, a hefyd gallwch fynd i gostau os yw'r adran yn trefnu ymweliadau addysgol.

Ysbrydoli Dysgwyr

Link to Coleg Sir Gar Instgram      Link to Coleg Sir Gar Facebook      Link to Coleg Sir Gar Twitter     Link to Coleg Sir Gar Linked In 

 

Get in Touch

Graig Campus
Sandy Road
Pwll
SA15 4DN
01554 748000
Mae'r cyfeiriad e-bost hwn wedi'i warchod rhag robotiaid sbam. Rhaid i chi alluogi JavaScript i'w weld.


Coleg Sir Gar is a company limited by guarantee registered in England and Wales No. 08539630 and is a registered charity No. 1152522. 
The registered office is at The Graig Campus, Sandy Road, Pwll, Llanelli, Carmarthenshire, SA15 4DN