Cynlluniwyd y cwrs hwn i ffurfio cysylltiadau agos â busnesau lleol a'r diwydiant twristiaeth. Byddwch yn cael golwg realistig ar y gofynion o weithio yn y sector busnes a thwristiaeth mewn amgylchedd ysgogol a chyffrous.

Cewch y cyfle i archwilio diwydiannau trwy ymweliadau â busnesau ac atyniadau ymwelwyr.

Bydd myfyrwyr hefyd yn gallu rhoi theori ar waith trwy gefnogi digwyddiadau mewn partneriaeth â busnesau lleol a’r diwydiant twristiaeth.

Diben y cwrs hwn yw datblygu’r sgiliau trosglwyddadwy, y priodoleddau a’r ymddygiadau sydd eu hangen ar ddysgwyr i symud ymlaen i astudiaeth bellach.  Gall y dilyniant hwn gymryd llawer o lwybrau megis i raglen lefel dau, llwybrau astudio eraill neu brentisiaeth, gan arwain yn y pen draw at gyflogaeth.

Mae cyfleoedd dilyniant yn amodol ar gyfweliad ac yn dibynnu ar gyflawniadau'r myfyrwyr ar Lefel 1.  Er mwyn symud ymlaen, mae disgwyl i ddysgwyr gwblhau’r cwrs gyda phroffil teilyngdod a dangos cynnydd mewn llythrennedd, rhifedd a llythrennedd digidol.

Caiff pob myfyriwr ei ystyried ar gyfer cael ei dderbyn ar y cwrs yn dilyn cyfweliad llwyddiannus a geirda tiwtor.

Mae’r unedau craidd yn canolbwyntio ar ddatblygiad personol ac yn cynnwys: bod yn drefnus, gweithio gydag eraill, datblygu cynllun dilyniant personol ac ymchwilio i bwnc. 

Mae unedau eraill yn cwmpasu pynciau megis gwasanaeth cwsmer, archwilio busnesau ac atyniadau ymwelwyr lleol, brandio a hyrwyddo a chynnal digwyddiad.

Mae sgiliau llythrennedd a rhifedd yn bwysig i bob myfyriwr, felly mae'r cwrs hefyd yn ymgorffori astudiaeth orfodol naill ai o gymwysterau TGAU neu Sgiliau Hanfodol yn dibynnu ar raddau TGAU.

Ar ôl cwblhau eu hastudiaeth bydd myfyrwyr yn cael Diploma Rhagarweiniol Lefel 1 BTEC mewn Busnes.

Asesir unedau yn fewnol gan ddefnyddio aseiniadau a gynlluniwyd gan y ganolfan.

Gall y dulliau asesu hyn gynnwys arsylwi mewn sefyllfaoedd cysylltiedig â gwaith, cyflwyniadau, prosiectau, chwarae rôl, cyfweliadau neu ysgrifennu estynedig.

Mae'r cymhwyster hwn ar gael i'w asesu drwy gyfrwng y Saesneg yn unig.

Bydd angen o leiaf dau bwnc TGAU graddau D-G arnoch i astudio’r cwrs hwn. Bydd y rheiny heb gymwysterau ffurfiol yn cael eu hystyried yn dilyn cyfweliad a phrawf mynediad.

Mae’n ofynnol i bob dysgwr dalu ffi gweinyddu o £25 cyn cofrestru.

Bydd angen i chi ddarparu eich deunydd ysgrifennu eich hun a hefyd gallwch fynd i gostau os yw'r adran yn trefnu ymweliadau addysgol.