Tystysgrif Addysg Uwch Cerameg

Gwneud Cais - Llawn Amser

Holi

Gwneud Cais - Rhan Amser

Disgrifiad o'r Rhaglen

Cod UCAS: C22

Cod y Cwrs: CACJ

Ychwanegiad diweddar i'n portffolio o raglenni lefel prifysgol yw'r Dystysgrif Addysg Uwch.

Mae hwn yn gymhwyster annibynnol lefel pedwar sydd yn y bôn yn flwyddyn gyntaf ein rhaglenni gradd. Bydd y cwrs yn galluogi’r myfyrwyr hynny na allant ymrwymo i astudio ar gyfer gradd BA anrhydedd lawn i gael dealltwriaeth o’r sgiliau sylfaenol sy'n ofynnol yn eu pwnc dewisol a’u dysgu.

Mae’r cwrs cerameg yn golygu dysgu drwy wneud ac arbrofi gyda deunyddiau. Cyflwynir gweithdai ymarferol, sy'n dysgu prosesau traddodiadol a chyfoes mewn cerameg i grwpiau bach, lle mae myfyrwyr yn archwilio eu syniadau a'u potensial dylunio trwy broses cerameg fynegiannol, dylunio a gwneud.

Cyfryngau Cymdeithasol

https://www.facebook.com/carmarthenschoolofartsculpture

https://www.facebook.com/CarmarthenSchoolOfArt

https://www.instagram.com/sculpture_csoa

https://www.instagram.com/carmarthenschoolofart

Cipolwg

Llawn Amser / Rhan-Amser

Blwyddyn yn llawn amser, 2 flynedd yn rhan-amser

Campws Ffynnon Job

Nodweddion y Rhaglen

Mae Ysgol Gelf Caerfyrddin yn adnabyddus am ei hawyrgylch ‘deuluol’, a’i pholisi drws agored. Mae maint y dosbarthiadau’n fach ac mae’r cyswllt â’r tiwtor heb ei ail. Mae’r cwrs yn cefnogi datblygiad eich ymarfer stiwdio gyda phwyslais ar grefft a sgil. Byddwch yn cael eich man gwaith unigol eich hun a mynediad i weithdai cerameg pwrpasol. Mae'r rhain yn cynnwys mannau pwrpasol ar gyfer castio slip a gwaith plastr, castio, taflu, labordy gwydro, amrywiaeth helaeth o odynau nwy a thrydan, raku a chyfleusterau tanio mewn pydew a thechnoleg argraffu decal ceramig a metel o'r radd flaenaf.

Cynnwys y Rhaglen

Blwyddyn yn seiliedig ar sgiliau a gyflwynir trwy gyfres o weithdai, gan gynnwys Prosesau a Chynnyrch Cerameg, Ymchwilio i Ddefnyddioldeb, Datblygu Iaith Weledol, Dysgu yn yr Oes Ddigidol a Phrosiect Creadigol.

Dilyniant a Chyflogaeth

Ar ôl i chi gwblhau’r cwrs hwn yn llwyddiannus, fe allech chi symud ymlaen i lefel pump y radd lawn os dewiswch wneud hynny.

Ar ôl cwblhau’r radd BA anrhydedd lawn (blwyddyn dau a thri) mae’r gyrfaoedd sydd ar gael yn cynnwys dylunydd wneuthurwr 3D annibynnol, artist neu ddylunydd cerameg, crochenydd stiwdio, gwneuthurwr modelau ar gyfer theatr a ffilm, artist cymhwysol, addysgwr, curadur arddangosfeydd, gweinyddwr celfyddydau, gweithiwr celf cymunedol, therapydd celf, ymchwilydd, astudiaeth ôl-raddedig (MA, PhD), arloeswr.

Asesu'r Rhaglen

Asesir yn barhaus trwy sesiynau crynhoi gweithdai, trafodaethau beirniadol, asesiad ffurfiannol a chrynodol gydag adborth clywedol ac ysgrifenedig.

Gofynion y Rhaglen

Pwyntiau sgôr tariff a dderbynnir: O leiaf 96 pwynt neu allu portffolio cyfatebol ar gyfer ymgeiswyr hŷn.

Mae angen i bob ymgeisydd llawn amser wneud cais ar-lein drwy UCAS.

Dylai myfyrwyr rhan-amser wneud cais drwy system ymgeisio’r coleg

https://www.colegsirgar.ac.uk/index.php/en/application-form

Mae Cyfarwyddwyr Rhaglenni yn cyfweld pob ymgeisydd ac yn trafod eich portffolio o waith celf a’ch uchelgeisiau gyda chi. Mae hyn yn rhan hanfodol o'n proses ddethol i sicrhau bod y cwrs yn iawn i chi a'ch bod chi'n iawn ar gyfer y cwrs.

Costau Ychwanegol

Does dim ffi stiwdio ychwanegol. Fodd bynnag, mae’n debygol y byddwch yn mynd i gostau ychwanegol ar gyfer deunyddiau arbenigol, printio ac ar gyfer teithiau’n gysylltiedig â’r cwrs.