Cynnal a Chadw ac Atgyweirio Cerbydau Ysgafn Lefel 2

Disgrifiad o'r Rhaglen

Bydd y rhaglen ddysgu hon yn eich galluogi i ennill cymhwyster galwedigaethol perthynol cydnabyddedig mewn cynnal a chadw ac atgyweirio cerbydau modur ysgafn.

Ymgymerir â chyflwyno'r rhaglen mewn cyfleuster pwrpasol, sydd â gweithdai wedi eu cyfarparu â’r cyfarpar a’r offer diweddaraf, a ddefnyddir yn y sector cynnal a chadw ac atgyweirio cerbydau modur.

Bydd y cwrs yn rhoi profiad dysgu pleserus, ysgogol a heriol i chi, gyda phwyslais ar ddatblygu sgiliau ymarferol sydd eu hangen ar fecanig cerbydau modern.

Mae’r rhaglen hefyd yn canolbwyntio ar wella eich hyder, cyflogadwyedd a rhagolygon entrepreneuriaeth.

Hefyd, neilltuir tiwtor personol i chi a fydd yn eich cefnogi gyda'ch cynnydd ac yn darparu gofal bugeiliol i chi trwy gydol y rhaglen.

Cipolwg

Llawn Amser

1 flwyddyn

Campws Pibwrlwyd

Nodweddion y Rhaglen

Cyflwynir y rhaglen gan dîm o ymarferwyr addysgu profiadol, sydd hefyd â chymwysterau galwedigaethol a phrofiad galwedigaethol.

Mae'r tîm yn cadw cysylltiadau cryf â'r sector cerbydau modur ac yn ymgymryd â datblygiad proffesiynol parhaus i sicrhau bod addysgu a dysgu'r rhaglen yn gyfredol ac yn berthnasol.

Yn ystod y flwyddyn academaidd, mae dysgwyr yn cael cyfleoedd i ymgymryd â phrofiad gwaith, gan eich galluogi i ddatblygu, atgyfnerthu a chymhwyso'ch astudiaethau. Hefyd, cewch y cyfle i fynd ar ymweliadau addysgol sy'n anelu at gyfoethogi'ch astudiaethau, ysbrydoli dysgu a chodi dyheadau.

Cynnwys y Rhaglen

Mae'r unedau o fewn y rhaglen yn cynnwys y setiau pwnc gwybodaeth a sgiliau cerbydau modur canlynol:

Iechyd, diogelwch a chadw trefn dda
Rolau swyddi cefnogi
Deunyddiau, ffabrigo, offer a dyfeisiau mesur
Cynnal a chadw arferol
Systemau mecanyddol, iro ac oeri injan
Systemau tanwydd, tanio, aer a gwacáu
Systemau trydanol
Systemau siasi
Systemau trawsyriant a llinell yriant

Yn ogystal â'r unedau uchod, byddwch hefyd yn gweithio tuag at y cymwysterau canlynol:

Sgiliau Hanfodol mewn Cymhwyso Rhif
Sgiliau Hanfodol mewn Cyfathrebu

Os oes angen, cewch gyfle i ymgymryd â TGAU Saesneg iaith a datblygu mathemateg, fel rhan o'r cwrs.

Dilyniant a Chyflogaeth

Mae cwblhau'r rhaglen yn llwyddiannus yn darparu dilyniant i'r Diploma lefel tri mewn Cynnal a Chadw ac Atgyweirio Cerbydau Modur neu raglen brentisiaeth.

Asesu'r Rhaglen

Asesir gwybodaeth bynciol a sgiliau trwy brofion amlddewis ar-lein, asesiadau ysgrifenedig, ac asesiadau tasgau ymarferol.

Gofynion y Rhaglen

Gofynnwn fod gennych:

Diploma Lefel un mewn Cynnal a Chadw ac Atgyweirio Cerbydau Modur.
Cymwysterau TGAU gradd D neu uwch mewn Saesneg iaith a mathemateg.

Bydd ymgeiswyr yn cael cyfweliad i ganfod eu haddasrwydd ar gyfer y rhaglen.

Costau Ychwanegol

Mae’n ofynnol i bob dysgwr dalu ffi gweinyddu o £45 cyn cofrestru.

Bydd angen i chi ddarparu eich deunydd ysgrifennu eich hun, a hefyd gallwch fynd i gostau os yw'r adran yn trefnu ymweliadau addysgol.

Cyrsiau Cysylltiedig