Coleg Sir Gâr - Gofal Anifeiliaid Lefel 2

Gofal Anifeiliaid Lefel 2

Holi

Cipolwg

Llawn Amser
1 Flwyddyn
Campws Pibwrlwyd

Rhaglen lefel 3 yw hon sydd yn rhoi cyfle i chi astudio celf a dylunio mewn ffyrdd archwiliol, ymchwiliol ac arbrofol.

Mae'r cwrs wedi'i gynllunio ar gyfer y rheiny nad oes ganddynt o bosibl unrhyw gymwysterau ffurfiol blaenorol, ond sydd mewn cyfweliad portffolio yn arddangos brwdfrydedd, ymrwymiad i gelf a dylunio, a bod ganddynt y potensial i gwblhau’r cwrs a gwneud cais am le ar gyrsiau gradd creadigol.

Yn draddodiadol, mae'r rhaglen yn cynnwys ystod amrywiol o grwpiau oedran ac anogir chi i ddatblygu eich sgiliau creadigol a thechnegol trwy ddarlithoedd, gweithdai a phrosiectau.

Nodweddion y Rhaglen

Byddwch chi’n gweithio'n agos gyda'ch cyflogwr ar gyfer profiad gwaith a hefyd tiwtoriaid cwrs yn y coleg.

Byddwch yn mynychu’r coleg tua phedwar diwrnod yr wythnos ar gyfer sesiynau gwybodaeth greiddiol ac asesiadau ymarferol. Mae'r cwrs yn seiliedig ar waith theori a gwaith ymarferol gydag amrywiaeth o anifeiliaid o famaliaid bach i geffylau.

Mae’r Dystysgrif Dechnegol Lefel 2 mewn Gofal Anifeiliaid yn cynnwys:

Glanhau a chynnal llety anifeiliaid
Gwiriadau iechyd ar ystod o anifeiliaid
Deall ymddygiad anifeiliaid
Iechyd a diogelwch yn ymwneud â gwahanol feysydd o fewn diwydiannau ar dir

Cynnwys y Rhaglen

Mae modiwlau ar y cymhwyster hwn yn cynnwys y canlynol:

Cynnal iechyd a lles anifeiliaid
Bwydo a lletya anifeiliaid
Ymddygiad a thrin anifeiliaid
Gweithio yn y diwydiant gofal anifeiliaid
Iechyd a diogelwch ar gyfer y diwydiannau ar dir
Egwyddorion bioleg anifeiliaid
Nyrsio anifeiliaid
Cyflwyniad i ofalu am geffylau

Bydd y cymhwyster hwn yn datblygu eich sgiliau mewn meysydd y tu allan i ofal anifeiliaid.

Cewch gyfle i ymgymryd ag ystod o sgiliau megis:

Sgiliau Hanfodol Cymru Cyfathrebu
Sgiliau Hanfodol Cymru Cymhwyso Rhif
TGAU neu gymhwyster Agored mewn Saesneg a Mathemateg

Dilyniant a Chyflogaeth

Mae dilyniant o'r cymhwyster hwn yn ofyniad mynediad ar gyfer y cymhwyster lefel tri mewn rheolaeth anifeiliaid. Gall llwybrau cyflogaeth eraill ddeillio o'ch lleoliad profiad gwaith neu ddiwydiannau ar dir a chyfleoedd eraill.

Dull asesu

Asesir unedau yn ymarferol yng nghanolfan gofal anifeiliaid y coleg, trwy ystod o arsylwadau ac mae angen profion ar-lein i ategu agwedd theori’r cwrs. Cynhelir yr asesiadau ymarferol ar amrywiaeth o anifeiliaid gan gynnwys mamaliaid bach, cŵn ac anifeiliaid mawr fel geifr a cheffylau.

Mae'r cymhwyster hwn ar gael i'w asesu drwy gyfrwng y Saesneg yn unig.

Gofynion Mynediad

Cymhwyster lefel un ar radd teilyngdod neu ragoriaeth, o leiaf 85% o ran presenoldeb a chyfweliad llwyddiannus.

Fel arall, pedwar TGAU gyda graddau A*-D gan gynnwys naill ai mathemateg, Saesneg neu Gymraeg iaith gyntaf.

Rhaid bod y myfyriwr yn gallu cael 150 awr o leoliad gwaith gyda lleoliad cychwynnol wedi'i drefnu cyn yr wythnos gynefino yn y coleg - gellir trafod hyn yn y cyfweliad.

Gofynnir yn ogystal i fyfyrwyr wneud prawf diagnostig ar eu sgiliau llythrennedd a rhifedd ond mae cymorth dysgu ar gael.

Costau Ychwanegol

Mae’n ofynnol i bob dysgwr dalu ffi gweinyddu o £25 cyn cofrestru.

Bydd angen i chi ddarparu eich deunydd ysgrifennu eich hun a hefyd gallwch fynd i gostau os yw'r adran yn trefnu ymweliadau addysgol.

Bydd angen i chi ddarparu eich cyfarpar diogelu personol eich hun ar gyfer y cwrs, a fydd yn cynnwys welingtons a dillad glaw, ar gyfer gweithgareddau ymarferol.