Tystysgrif mewn Hyfforddi a Mentora Effeithiol Lefel 3

Disgrifiad o'r Rhaglen

Mae’r cymhwyster hwn ar gyfer dysgwyr sydd am ennill gwybodaeth, sgiliau a hyder i hyfforddi neu fentora pobl yn effeithiol o fewn cyd-destun sefydliadol. Mae hefyd yn gymhwyster delfrydol ar gyfer y rheiny sydd am gychwyn gyrfa mewn hyfforddi neu fentora. Mae gan fyfyrwyr fynediad i ddeunyddiau dysgu ar unrhyw adeg o’r dydd neu’r nos drwy Google Classrooms a llyfrgell ddigidol ategol ar-lein y coleg. Yn ychwanegol at hyn, mae ganddynt gymorth tiwtor neilltuedig a thiwtorialau un i un penodedig i gynorthwyo myfyrwyr cyn iddynt gyflwyno gwaith yn ddigidol ar-lein.

Mae ffioedd cwrs yn berthnasol sy'n talu am hyfforddiant, asesu a sesiynau tiwtorial - pris ar gael ar gais.

Cipolwg

Rhan Amser

Blwyddyn (un diwrnod y mis yn y coleg gyda chefnogaeth diwtorial unigol)

Campws Pibwrlwyd

Nodweddion y Rhaglen

Gwybod beth sydd eisiau i fod yn hyfforddwr a mentor effeithiol

Deall rôl a chyfrifoldebau hyfforddwyr a mentoriaid effeithiol
Dysgu sut i reoli prosesau hyfforddi a mentora gan ddefnyddio modelau cydnabyddedig
Rhoi eich sgiliau newydd ar waith trwy gyflawni sesiynau hyfforddi neu fentora dan oruchwyliaeth
Dadansoddi eich perfformiad hyfforddi neu fentora er mwyn gwella eich gallu eich hun

Cynnwys y Rhaglen

Mae yna 4 uned i’w cwblhau fydd yn canolbwyntio ar arfer da mewn hyfforddi a mentora o fewn cyd-destun sefydliadol. Yn ogystal byddwch yn ymgymryd â hyfforddi o fewn eich gweithle ac yn myfyrio ar ddatblygiad eich sgiliau dros y flwyddyn.