AAT Diploma mewn Cyfrifyddu Proffesiynol L4

Mae’r cwrs yn cynnwys pynciau a thasgau cyfrifyddu a chyllid lefel uchel.  Bydd myfyrwyr yn edrych ar amrywiaeth eang o sgiliau rheoli ariannol a chymwysiadau ac yn dod yn gyfforddus â nhw, ac yn ennill cymwyseddau mewn drafftio datganiadau ariannol i gwmnïau cyfyngedig, argymell strategaeth systemau cyfrifyddu, a llunio a chyflwyno adroddiadau cyfrifon rheoli cymhleth.  Hefyd, bydd myfyrwyr yn dysgu am feysydd arbenigol megis treth, archwilio, rheoli credyd a debyd, a rheoli arian a chyllid. 

Bydd yr AAT yn gofyn i bob myfyriwr gofrestru gyda'r corff proffesiynol.  Gall cyfyngiadau aelodaeth fod yn berthnasol.  Mae rhagor o wybodaeth ar gael yn www.aat.org.uk.

Mae ffioedd cwrs yn berthnasol sy'n talu am hyfforddiant a sefyll arholiad cychwynnol  - pris ar gael ar gais. 

Mae'r asesiadau ar gyfrifiadur gyda chyfyngiad amser.   Mae pob un yn cynnwys ystod o fathau o gwestiynau a fformatau, er enghraifft cwestiynau amlddewis, cwestiynau llenwi bwlch rhifol, neu ddulliau cwestiynau sy'n dyblygu gweithgareddau’r gweithle, megis gwneud cofnodion mewn dyddlyfr.   Bydd pob asesiad yn gofyn am rai atebion ysgrifenedig.

Mae'r asesiadau yn ymarferol ar gyfrifiadur gyda chyfyngiad amser.  Mae pob un yn cynnwys ystod o fathau o gwestiynau a fformatau, er enghraifft cwestiynau amlddewis, cwestiynau llenwi bwlch rhifol, neu ddulliau cwestiynau sy'n dyblygu gweithgareddau yn y gweithle, megis gwneud cofnodion mewn dyddlyfr.  Bydd pob asesiad yn gofyn am rai atebion ysgrifenedig.

Bydd y cymhwyster Diploma AAT mewn Cyfrifyddu Proffesiynol yn addas i’r rheiny sydd: 

• Wedi cwblhau Diploma AAT mewn Cyfrifyddu ac a hoffai barhau i ddatblygu eu sgiliau cyfrifyddu 
• Eisoes yn gweithio mewn cyllid ac a hoffai gydnabyddiaeth ffurfiol o'u sgiliau 
• Hoffai fynd ymlaen i ddod yn aelod llawn AAT a/neu astudio ar gyfer statws cyfrifydd siartredig 
• Hoffai ddechrau eu busnes eu hunain trwy'r cynllun aelod trwyddedig AAT mewn practis (MIP). 

Nid yw AAT yn gosod unrhyw ragofynion ar gyfer astudio Diploma AAT mewn Cyfrifyddu Proffesiynol.  Fodd bynnag, er mwyn cael y cyfle gorau o lwyddiant, rydym yn argymell bod myfyrwyr yn dechrau eu hastudiaethau gyda safon dda mewn Saesneg a mathemateg.   Os oes gan fyfyrwyr unrhyw gymwysterau ysgol neu goleg perthnasol eraill, gradd neu rywfaint o brofiad cyfrifyddu, bydd y rhain o fudd enfawr.  Mewn amgylchiadau penodol efallai byddant yn caniatáu i fyfyrwyr hawlio eithriadau.