Prentisiaeth Diploma Lefel 3 AAT mewn Cyfrifyddu

Pwrpas y cymhwyster hwn yw sicrhau bod myfyrwyr wedi’u paratoi’n dda er mwyn mynd ymlaen i yrfa mewn busnes, cyllid neu gyfrifeg broffesiynol, neu i addysg bellach.   Bydd myfyrwyr yn dysgu a meistroli prosesau ariannol.

Cefnogir dysgwyr gan ymgynghorydd hyfforddi/aseswr fydd yn monitro cynnydd yn rheolaidd ac a fydd yn cysylltu’n agos â’r cyflogwr i sicrhau bod cymwysterau’n cael eu cyflawni o fewn graddfeydd amser.  Hefyd byddan nhw’n asesu’r prentis yn y gweithle yn ôl y gofyn.

Bydd yr AAT yn gofyn i bob myfyriwr gofrestru gyda'r corff proffesiynol.   Gall cyfyngiadau aelodaeth fod yn berthnasol.   Mae rhagor o wybodaeth ar gael yn www.aat.org.uk.

Mae’r cwrs yn cwmpasu ystod o dasgau cyfrifyddu cymhleth, yn cynnwys cadw cofnodion cyfrifyddu costau a pharatoi adroddiadau a ffurflenni treth.  Mae’n cynnwys pedair uned orfodol:

• Ymwybyddiaeth Fusnes 
• Cyfrifyddu Terfynol: Paratoi Datganiadau Ariannol
• Technegau Cyfrifon Rheoli 
• Prosesau Treth ar gyfer Busnesau

Caiff pob un o’r pedair uned eu hasesu’n unigol mewn asesiadau diwedd uned ar gyfrifiadur. 

Mae’r cwrs hefyd yn cynnwys Sgiliau Hanfodol mewn Cyfathrebu a Chymhwyso Rhif ar Lefel 2 (Gall eithriadau fod yn berthnasol).

Mae'r asesiadau ar gyfrifiadur gyda chyfyngiad amser.   Mae pob un yn cynnwys ystod o fathau o gwestiynau a fformatau, er enghraifft cwestiynau amlddewis, cwestiynau llenwi bwlch rhifol, neu ddulliau cwestiynau sy'n dyblygu gweithgareddau’r gweithle, megis gwneud cofnodion mewn dyddlyfr.   Bydd rhai asesiadau’n gofyn am atebion ysgrifenedig.

Argymhellir y bydd prentisiaid lefel tri, nad ydynt wedi cyflawni prentisiaeth lefel dau mewn cyfrifyddu, angen cymwysterau TAG Safon Uwch, neu uwch, neu brofiad perthnasol, ynghyd â TGAU mathemateg a Saesneg graddau A*- C neu Sgiliau Hanfodol cyfwerth.

Bydd sgiliau cyfathrebu da ac unrhyw brofiad galwedigaethol mewn cyfrifyddu o gymorth enfawr (mae ymchwil wedi dangos bod pobl heb y profiad hwn yn debygol o brofi anawsterau o ran cwblhau’r fframwaith os byddant yn mynd i mewn i’r brentisiaeth ar lefel tri).  Cysylltwch â ni am wybodaeth ynghylch addasrwydd personol ar gyfer yr hyfforddiant.