Tystysgrif Lefel 2 Terminoleg Feddygol A Chlywdeipio

• darparu cyfleoedd i ddatblygu gwybodaeth a dealltwriaeth o derminoleg feddygol a chlywdeipio
• cyfuniad o gyflwyniad ar y safle ac ar-lein
• cyflwynir gan ddarlithwyr cymwysedig
• darparu llwybr dilyniant i gyflogaeth neu gymwysterau ychwanegol
• datblygiad proffesiynol parhaus

Mae Terminoleg Feddygol yn defnyddio dull strwythurol, gan ganolbwyntio ar sut y caiff termau meddygol eu llunio o fonion, rhagddodiaid ac ôl-ddodiaid, a sut i adnabod termau o ddiffiniadau penodol. 

Mae'n cwmpasu:

• Terminoleg
• Talfyriadau sy’n ymwneud â systemau’r corff
• Arbenigeddau Meddygol
• Ffarmacoleg

Mae Clywdeipio yn galluogi'r dysgwr i ddatblygu'r wybodaeth a'r sgiliau sydd eu hangen i ddefnyddio cyfarpar a meddalwedd clywdeipio i gynhyrchu ystod o ddogfennau meddygol arferol a phroffesiynol.

Mae'n cwmpasu:

• trawsgrifio dogfennau arferol sy'n cynnwys terminoleg feddygol
• cymhwyso technegau prosesu geiriau
• prawf-ddarllen gan gynnwys dulliau gwirio

Gall ymgeiswyr sy’n cyflawni’r cymhwyster hwn symud ymlaen:

• I mewn i gyflogaeth
• Tystysgrif Lefel 2 Gweinyddiaeth Feddygol a Sgiliau Cyfathrebu

Bydd asesu ar ffurf dwy dasg o dan gyfyngiadau amser - un mewn Terminoleg Feddygol ac un mewn Clywdeipio - a fydd yn cynhyrchu tystiolaeth o gyflawniad ar gyfer yr holl feini prawf asesu a'r deilliannau dysgu gofynnol.

Tystysgrifau Agored Cymru mewn:

• Terminoleg Feddygol ar gyfer Gweinyddwyr
• Clywdeipio Meddygol

Nid oes unrhyw ofynion mynediad ffurfiol ar gyfer y cymhwyster hwn, er yr ystyrir bod dealltwriaeth dda o'r Saesneg yn fuddiol gyda ffocws arbennig ar gywirdeb sillafu, ynghyd â naill ai profiad mewn amgylchedd meddygol neu awydd i symud i'r maes hwn.

Mae ffioedd rhan-amser ym Mand Ffioedd H ynghlwm wrth y cwrs.
Nid oes unrhyw gostau ychwanegol yn gysylltiedig â’r cymhwyster hwn.