Coginio Proffesiynol a Gweini Bwyd Lefel 1

Disgrifiad o'r Rhaglen

Sianelwch eich brwdfrydedd am fwyd i flwyddyn werth chweil o dwf personol a datblygiad sgiliau. Mae'r cwrs ymarferol hwn yn ddelfrydol ar gyfer myfyrwyr sydd am ddatblygu eu hyder a’u sgiliau cyfathrebu. Hefyd, byddwch yn dysgu'r sgiliau a'r technegau sydd eu hangen i roi cychwyn ar yrfa yn y celfyddydau coginiol neu letygarwch. Mae’r cwrs yn borth i mewn i un o’r diwydiannau sy’n tyfu gyflymaf yn lleol ac yn genedlaethol. Mae mwyafrif y myfyrwyr yn defnyddio'r cwrs hwn fel cam ar y ffordd i raglen lefel dau mewn coginio proffesiynol a sgiliau bwyd a diod proffesiynol. Mae dysgwyr eraill yn symud ymlaen i brentisiaeth neu gyflogaeth. Bydd y cwrs yn darparu cyfleoedd i ddatblygu ystod o sgiliau a thechnegau personol, sy’n hanfodol ar gyfer perfformiad llwyddiannus mewn bywyd gwaith.

Cipolwg

Llawn Amser

Blwyddyn

Campws Pibwrlwyd

Nodweddion y Rhaglen

Elfen ganolog o’r cwrs yw’r profiad cysylltiedig â gwaith. Mae'r holl ddysgwyr yn rhedeg y gwasanaeth ym mwyty Myrddin, y bwyty hyfforddi ar y safle. Yma byddwch yn cael golwg realistig ar ofynion gweithio yn y diwydiant arlwyo mewn amgylchedd diogel a chefnogol. Bydd staff profiadol yn dysgu sgiliau coginio a gwasanaeth bwyd a diod i chi trwy arddangosiadau bywiog a sesiynau sgiliau ymarferol. Mae’r profiad ymarferol yn y bwyty hyfforddi yn darparu digonedd o gyfle i roi’r sgiliau hyn ar waith.

Cynnwys y Rhaglen

Ar y cwrs hwn byddwch yn ennill Diploma mewn Coginio Proffesiynol a Thystysgrif mewn Sgiliau Bwyd a Diod. Fel rhan o’r cwrs byddwch yn astudio amrywiaeth o unedau bwyty a chegin. Mae’r unedau craidd yn canolbwyntio ar ddiogelwch bwyd, hylendid a gweithio'n effeithiol fel tîm. Mae’r unedau byddwch chi’n eu cwmpasu yn cynnwys:

Cyflwyniad i gyflogadwyedd yn y diwydiant arlwyo a lletygarwch
Diogelwch bwyd mewn arlwyo
Cyflwyniad i fwydydd iachach a deietau arbennig
Dulliau coginio; fel berwi, potsio a stemio, pobi, rhostio a grilio.
Gwasanaeth bar
Delio gyda thaliadau a bwciadau
Deall a chynllunio bwydlenni
Sgiliau diodydd poeth
Sgiliau gwasanaeth bwyd a diod

Mae llythrennedd a rhifedd yn bwysig i bob myfyriwr. Bydd myfyrwyr nad oes ganddynt radd C neu uwch mewn mathemateg, Saesneg neu Gymraeg (iaith gyntaf) yn cael addysgu a chymorth ychwanegol i astudio naill ai TGAU neu Sgiliau Hanfodol yn dibynnu ar eu lefel gyfredol.

Dilyniant a Chyflogaeth

Cewch ddigon o gymorth wrth ddatblygu eich gwasanaeth cwsmer a sgiliau a thechnegau cegin, a bydd eich profiadau ar y cwrs yn eich helpu i ddeall y llwybrau sy’n agored i chi yn y diwydiant. Bydd cwblhau’r cwrs yn llwyddiannus yn eich galluogi i symud ymlaen i gyrsiau lefel uwch megis Lefel 2 mewn Coginio Proffesiynol a Sgiliau Gwasanaeth Bwyd a Diod, neu gall Dysgwyr hefyd symud ymlaen i brentisiaeth.

Asesu'r Rhaglen

Asesir unedau drwy asesu gwaith ymarferol yn y gegin ac yn y bwyty wrth arsylwi gwaith ymarferol ym mwyty Myrddin, a thrwy gwblhau profion gwybodaeth greiddiol ac aseiniadau ysgrifenedig yn llwyddiannus.

Gofynion y Rhaglen

Bydd angen o leiaf tair gradd TGAU D - G i astudio'r cwrs hwn, tystlythyrau da a chyfweliad llwyddiannus. Bydd y rhai heb gymwysterau ffurfiol yn cael eu hystyried yn dilyn cyfweliad, tystlythyrau a phrawf mynediad.