Prentisiaeth - Diploma NVQ mewn Coginio Proffesiynol - Lefel 2

Bydd dysgwyr yn cwblhau tystysgrif lefel dau mewn egwyddorion lletygarwch ac arlwyo yn ogystal â'r diploma lefel dau mewn coginio proffesiynol. 

Bydd dysgwyr yn paratoi ystod eang o seigiau cymhleth a fydd yn caniatáu i chi ddatblygu sgiliau cyllyll, a gwybodaeth am amrywiaeth o ddulliau coginio a thechnegau paratoi bwyd a ddefnyddir yn y gegin.

Asesir ystod o unedau gorfodol a dewisol yn y gweithle ynghyd â chwestiynau gwybodaeth diwedd uned a fydd yn ysgrifenedig a hefyd yn cael eu hateb ar lwyfan digidol. 

Mae ymgeiswyr llwyddiannus yn mynd i gyflogaeth lawn amser yn y sector arlwyo, llawer mewn amgylchedd cegin neu’n mynd ymlaen i astudiaeth bellach ar lefel tri.

Asesir unedau coginio proffesiynol trwy arsylwi tasgau ymarferol yn y gweithle a gofyn cwestiynau seiliedig ar wybodaeth a all fod yn ysgrifenedig neu ar lwyfannau digidol. 

Does dim angen hyfforddiant ffurfiol na phrofiad.  Fodd bynnag, mae cymhwyster lefel un mewn lletygarwch ac arlwyo yn ddymunol. Rhoddir ystyriaeth yn ogystal i ddysgwyr sydd â phrofiad blaenorol perthnasol yn y diwydiant.

Disgwylir i ddysgwyr nad oes ganddynt radd D neu uwch mewn mathemateg a Saesneg sefyll cymwysterau Sgiliau Hanfodol lefel 1 mewn Cymhwyso Rhif a Chyfathrebu er mwyn pasio'r brentisiaeth.  Rhaid i bob prentis hefyd gwblhau diweddariadau sgiliau/targedau rheolaidd mewn cymhwyso rhif, cyfathrebu, llythrennedd digidol a Chymraeg waeth beth yw eu lefel ar fynediad.