Cwrs Patisserie a Melysion

Cwrs coginio gyda’r nos yw hwn ar gyfer unrhyw un 16 oed a hŷn. Darperir ffedog ben-cogydd wedi’i brandio a defnydd o'r holl gyfarpar sydd ei angen.  Bydd amrywiol ddulliau coginio, sgiliau pobi a phatiserrie yn cael eu cyflwyno i bob sesiwn.

Bydd pob sesiwn yn canolbwyntio ar agweddau allweddol ar batisserie a melysion. 

Cynhyrchu melysfwyd a phwdinau poeth ac oer - Bavarois, Mousses, Tartenni, Peis, Pwdinau Sbwnj, Souffle Oer, Sawsiau

Cynhyrchu cynhyrchion bisgedi, cacenni a sbwnjis - Sbwnjis Genoise, Gateaux, Teisen Frau, Teisen Madeira, Teisen Ffrwythau, Sbwnjis wedi’u Chwisgo

Cynhyrchu cynhyrchion past - bydd hyn yn cynnwys Crwst Pwff, Crwst Melys, Crwst Choux, Crwst Brau a Nwyddau Crwst Siwed

Cynhyrchu cynhyrchion toes wedi'i eplesu - Bara sylfaenol - Rholiau a Thorthau Brown a Gwyn, Bara â blas, Cynhyrchion Toes Melys wedi'u Cyfoethogi - Toesenni, Byns y Swistir, Byns Chelsea

Gallai’r cwrs hwn fod yn fan cychwyn ysbrydoledig a bydd yn darparu sylfaen ardderchog ar gyfer darpar pen-cogyddion y dyfodol neu gellid ei astudio yn gyfan gwbl oherwydd brwdfrydedd dros wneud cacennau a melysion. Bydd y cwrs yn agor y drws i gyfleoedd yn y dyfodol gyda chyrsiau llawn amser neu ran-amser eraill yn cael eu cynnig megis ein dosbarth nos addurno cacennau, cwrs siocledwr undydd a chwrs coginio Blas ar Gymru.

Mae darlithwyr yn darparu cyngor arbenigol i ddysgwyr ynghylch cymwysterau galwedigaethol a seiliedig ar waith ac opsiynau dilyniant.

 Asesir myfyrwyr ar adborth arsylwi ymarferol ar seigiau a gynhyrchir yn ystod pob sesiwn.  Bydd hefyd yn ofynnol i fyfyrwyr gynhyrchu portffolio o dystiolaeth i fodloni deilliannau dysgu'r cwrs.  Yn ogystal â’r asesiadau ymarferol bydd angen i ddysgwyr ddangos gwybodaeth trwy gwblhau papurau cwestiynau ysgrifenedig,

Terfynau oedran 16+ oed.  Does dim gofynion academaidd.  Bydd rheolau iechyd a diogelwch a gyflwynir yn y sesiwn gyntaf yn berthnasol.