Disgrifiad o'r Rhaglen
Gallai’r cwrs pobi bara artisan yng Ngholeg Sir Gâr fod yn fan cychwyn ardderchog ar gyfer y pobydd uchelgeisiol, cogyddion cartref ymroddedig a selogion bwyd i ddod draw i ddathlu’r brwdfrydedd sydd ei angen er mwyn pobi’r dorth eithaf a chynnyrch burum arall.
Bydd y cwrs yn cynnig gwybodaeth arbenigol a chyngor gan ben-cogydd brwdfrydig ac ymrwymedig, technegau proffesiynol ac un neu ddwy gyfrinach o eiddo’r pen-cogydd ar hyd y ffordd. Bydd y cwrs yn dathlu’r ryseitiau gorau oll, technegau pobi modern a chlasurol a ddefnyddir mewn ceginau proffesiynol a phoptai heddiw.
Ar ddiwedd y cwrs coginio byddwch yn ennill tystysgrif Uned Pobi Agored Cymru.
Cipolwg
Rhan Amswer
8 wythnos, cwrs nos o 17.00 – 21.00yh o Ionawr 19eg 2023
Campws Pibwylwyd
Nodweddion y Rhaglen
Cwrs coginio gyda’r nos yw hwn ar gyfer unrhyw un 16 oed a hŷn. Darperir yr holl gynhwysion, ffedog pen-cogydd wedi’i brandio a’r defnydd o gyllyll. Caiff amrywiol ddulliau coginio a sgiliau cegin eu cyflwyno ym mhob sesiwn.
Byddwch yn coginio o leiaf 2 fath o fara’n wythnosol.
Dilyniant a Chyflogaeth
Gallai’r cwrs coginio Bara Artisan yng Ngholeg Sir Gâr fod yn fan cychwyn a fydd yn darparu sylfaen ragorol ar gyfer ysbrydoli pen-cogyddion a phobwyr y dyfodol, a’r cam nesaf fydd cofrestru yng Ngholeg Sir Gâr ar gwrs arlwyo llawn amser neu ran-amser.
Bydd y cwrs yn agor y drws i gyfleoedd yn y dyfodol yn y coleg a gyda chyrsiau eraill a gynigir megis coginio Blas ar Gymru, addurno cacennau, patisserie a chwrs siocledwr.
Gall darlithwyr ddarparu cyngor arbenigol i ddysgwyr ynghylch cymwysterau galwedigaethol a seiliedig ar waith ac opsiynau dilyniant yn y diwydiant.
