Ydy crefftau creadigol yn agos at eich calon?
Gall addurno cacennau fod yn hobi llawn hwyl ac i lawer o bobl, maen nhw’n cael pleser wrth bobi ac addurno cacennau i’w teulu a’u ffrindiau.
Bydd y cwrs hwn yn rhannu arbenigedd pobyddion ac addurnwyr profiadol a fydd yn cynnig anogaeth ynghyd ag arbenigedd o ran awgrymiadau a syniadau addurno.
Felly beth am fynd â'ch hobi i'r lefel nesaf drwy ddysgu'r sgiliau a'r technegau a fydd yn troi eich cacennau o rai cartref i rai proffesiynol.
Mae hwn hefyd yn gymhwyster achrededig ar gyfer y rheiny sydd am ddatblygu eu diddordeb mewn gwneud ac addurno cacennau ymhellach.
Elfen ganolog y cwrs yw:
- Dysgu defnyddio deunyddiau, offer a chyfarpar i ddatblygu technegau crefft.
- Datblygu syniadau crefft.
- Creu, cyflwyno a gwerthuso eitemau cacennau addurnol terfynol.
- Dysgu gorchuddio ac addurno cacennau gyda marsipán, pâst siwgr, eisin caled a phâst blodau.
- Datblygu eich sgiliau peipio, modelu a gwneud blodau sylfaenol.
- Datblygu technegau addurnol gan gynnwys crychwaith, modelu, rhediadau, ysgrifennu a syniadau addurnol am gacennau cwpan ar gyfer amrywiaeth o achlysuron.
Ffi’r cwrs Dyfarniad Lefel 2 NCFE mewn Addurno Cacennau yw Band G.
Bydd angen cyfarpar ychwanegol wrth i'r cwrs fynd yn ei flaen a bydd angen i'r dysgwr ei brynu.
Does dim angen profiad blaenorol.
-46302c12.webp)
Cyrsiau Cysylltiedig
