Mae’r unedau craidd yn canolbwyntio ar weithio’n effeithiol fel tîm, diogelwch bwyd a hylendid. Mae unedau eraill yn ymdrin â phynciau fel paratoi a choginio cig, pysgod, dofednod a llysiau, gwneud stociau, cawliau a sawsiau.

Cewch y buddion o hyfforddi yn ein cegin ar safle ar ein Campws ym Mhibwrlwyd un diwrnod yr wythnos. Asesir ystod o unedau ymarferol yn y gweithle.

Mae prentisiaid yn elwa wrth ennill cyflog tra eu bod yn dysgu yn eu gweithle. Yn aml mae yna amrywiaeth o gyflogwyr lleol sy'n ceisio darparu cyfleoedd prentisiaeth i ddysgwyr. Yn aml, gellir cynnig cyflogaeth i brentisiaid ar ôl cwblhau eu prentisiaeth. Mae llawer o brentisiaid yn mynd yn syth i gyflogaeth neu'n dychwelyd ar gwrs  llawn amser/prentisiaeth ar lefel uwch.  

Asesir unedau trwy arsylwi tasgau ymarferol a gofyn cwestiynau sy'n seiliedig ar wybodaeth a all fod yn ysgrifenedig neu ar lwyfannau cyfryngau.  Bydd asesu rheolaidd yn digwydd yn y gweithle.

Mae llythrennedd a rhifedd yn bwysig i bob prentis. Disgwylir i ddysgwyr nad oes ganddynt radd D neu uwch mewn Mathemateg a Saesneg sefyll cymwysterau Sgiliau Hanfodol lefel 1 mewn Cymhwyso Rhif a Chyfathrebu i basio'r brentisiaeth. Rhaid i bob prentis hefyd gwblhau diweddariadau sgiliau/targedau rheolaidd mewn Cymhwyso Rhif, Cyfathrebu, Llythrennedd Digidol a Chymraeg waeth beth yw eu lefel ar fynediad.

Disgwylir i brentisiaid brynu set gyfan o ddillad gwyn pen-cogyddion. Mae’n bosibl bydd angen offer ychwanegol megis set o gyllyll.