Gradd Sylfaen mewn Astudiaethau Gofal Cymdeithasol

Disgrifiad o'r Rhaglen

Cwrs addysg uwch llawn amser, dwy flynedd yw’r radd sylfaen hon. Bydd myfyrwyr yn dod i’r coleg ar gyfer darlithoedd ar ddau ddiwrnod yr wythnos dros gyfnod o ddwy flynedd. Ar hyn o bryd does dim opsiwn rhan-amser ar gyfer y cwrs hwn. Defnyddir cyflwyniad cyfunol ar gyfer y cwrs, sy’n golygu bydd myfyrwyr yn cael cymysgedd o ddysgu wyneb yn wyneb ac ar-lein. Disgwylir i fyfyrwyr ymgymryd ag astudio hunangyfeiriedig, annibynnol pan nad ydynt mewn gwersi wedi’u hamserlennu. Mae’r cwrs yn cynnig cyfle i archwilio gofal cymdeithasol a’r gwerthoedd sy’n tanategu gwaith yn y maes hwn. Mae myfyrwyr yn cael y theori a’r wybodaeth ofynnol i weithio ym maes gofal cymdeithasol, a’r rhinweddau a’r agweddau drwy wirfoddoli neu brofiad gwaith. Bydd hi’n ofynnol i fyfyrwyr gwblhau oriau gwirfoddoli yn ystod y ddwy flynedd. Mae’r cwrs yn arwain at gymhwyster gradd sylfaen a ddilysir gan Brifysgol Cymru: y Drindod Dewi Sant.

Cipolwg

Llawn Amser

2 flynedd

Rhydaman Graig

Nodweddion y Rhaglen

Tîm bach o staff cyfeillgar a grwpiau bach o fyfyrwyr o tua 15-25 o bobl
Tiwtoriaid profiadol sy’n gymwys yn academaidd a phroffesiynol hefyd
Does dim arholiadau - mae’r asesu'n barhaus trwy gwblhau aseiniadau
Llawer o gyfleoedd i ddatblygu menter, a sgiliau gweithio mewn grŵp
Mae cefnogaeth i fyfyrwyr ar gael ar y safle, sy’n amrywio o gymorth dysgu ar gyfer sgiliau astudio academaidd, i gyngor ariannol a chynghori personol
Cysylltiadau gyda gwasanaethau gofal a chymorth lleol y gall myfyrwyr eu defnyddio i gael profiad trwy leoliadau gwirfoddol.

Cynnwys y Rhaglen

Mae’r holl fodiwlau yn amodol ar ailddilysu llwyddiannus ym mis Mawrth 2022 a gallant newid unrhyw bryd yn ystod eich cwrs. Lle bo’n briodol, ymgynghorir â myfyrwyr ynghylch unrhyw newidiadau i gynnwys y cwrs sy’n cael eu hystyried. Yn y flwyddyn gyntaf mae modiwlau’n rhai craidd neu’n orfodol ac maent yn 20 credyd yr un:

Lefel 4 (Blwyddyn 1)

Eiriolaeth a Grymuso

Ymarfer Cynhwysol

Prif Ddamcaniaethau

Cyflogadwyedd 1 (Craidd)

Dysgu yn yr Oes Ddigidol

Personoli Gofal a Chymorth

Yn yr ail flwyddyn mae cyfuniad o fodiwlau craidd, gorfodol ac opsiynol, sydd i gyd yn 20 credyd yr un:

Lefel 5 (Blwyddyn 2):

Cyflogadwyedd 2 (craidd)

Diogelu Plant, Pobl Ifanc ac Oedolion (craidd)

Ymchwil ym maes Gofal Cymdeithasol (gorfodol)

Archwilio Iechyd Meddwl (opsiynol)

Dilemâu Moesegol mewn Gofal Cymdeithasol (opsiynol)

Cefnogi Gofalwyr (opsiynol)

Cyflwyniad i Droseddeg (opsiynol)

Deall Camddefnyddio Sylweddau (opsiynol)

Dilyniant a Chyflogaeth

Er nad yw cwblhau’r cwrs yn sicrhau dilyniant, mae myfyrwyr sy’n cwblhau’r cwrs wedi ymgymryd â rhaglenni gradd yn llwyddiannus mewn gwaith cymdeithasol, nyrsio (amrywiol feysydd), cynhwysiant cymdeithasol yn ogystal â graddau gwyddor gymdeithasol. Gellir ennill cyflogaeth mewn llawer o asiantaethau gofal cymdeithasol lleol neu mewn prosiectau cymunedol newydd sy’n datblygu. Mae cyfle i symud ymlaen i radd anrhydedd BA y coleg mewn astudiaethau gofal cymdeithasol.

Sut mae gwneud cais:

Rhaid i bob ymgeisydd llawn amser wneud cais trwy UCAS gan ddefnyddio’r cod cwrs L500 a’r cod sefydliad C22.

Mae gwybodaeth am y ffioedd cyfredol ar gael yn Mae'r cyfeiriad e-bost hwn wedi'i warchod rhag robotiaid sbam. Rhaid i chi alluogi JavaScript i'w weld.ac am gyllid gan Gyllid Myfyrwyr Cymru neu drwy’r coleg yn Mae'r cyfeiriad e-bost hwn wedi'i warchod rhag robotiaid sbam. Rhaid i chi alluogi JavaScript i'w weld..

Asesu'r Rhaglen

Mae’r asesu yn barhaus a thrwy aseiniadau. Does dim arholiadau.

Gofynion y Rhaglen

Un Safon Uwch neu gyfwerth. Caiff cymwysterau Mynediad eu croesawu. Gellir derbyn ymgeiswyr hŷn heb unrhyw gymwysterau blaenorol os oes ganddynt brofiad ymarferol. Gwneir penderfyniadau ar sail unigol yn dilyn cyfweliad.

Mae Prifysgol Cymru: y Drindod Dewi Sant yn croesawu ceisiadau ar sail dysgu blaenorol.

Costau Ychwanegol

Mae’n ofynnol i fyfyrwyr ddangos DBS boddhaol ac i gofrestru gyda’r Gwasanaeth Diweddaru. Y myfyriwr sy’n talu am gwblhau’r DBS. Ar hyn o bryd mae hyn yn £46 ynghyd â £13 y flwyddyn ar gyfer cofrestru.

Fframwaith Priodoleddau Graddedigion

Nod y Fframwaith yw datblygu eich sgiliau a’ch cymwyseddau proffesiynol ochr yn ochr â’ch gwybodaeth pwnc academaidd. Byddwch yn astudio hyd at 40 credit ar bob level trwy gydol eich rhaglen o’r Fframwaith Priodoleddau Graddedigion. Mae’r modylau Priodoleddau Graddedigion wedi’u cynllunio i’ch galluogi i ddatblygu, a phrofi, ystod o sgiliau sy’n ffocysu ar eich gyrfa ac yn gysylltiedig â’ch maes pwnc. Mae’r sgiliau hyn yn cynnwys medrusrwydd digidol, ymchwil a rheolaeth prosiect, yn ogystal â medrusrwydd personol fel cyfathrebu, creadigrwydd, hunan-fyfyrio, cadernid a datrys problemau.

Dysgwch ragor am y Fframwaith Priodoleddau Graddedigion