Coleg Sir Gâr - Amaethyddiaeth Lefel 3

Amaethyddiaeth Lefel 3

Holi

Cipolwg

Llawn Amser
2 Flynedd
Campws Gelli Aur

Mae’r cwrs amaethyddiaeth dwy flynedd hwn yn canolbwyntio ar ddatblygu’r sgiliau craidd a ofynnir gan gyflogwyr yn y diwydiant amaethyddiaeth, fel arferion gwaith diogel, hwsmonaeth da byw, cynhyrchu cnydau a gweithredu peiriannau amaethyddol yn ogystal â sgiliau busnes. Maen nhw’n eich galluogi i symud ymlaen i gyrsiau lefel gradd yn y pwnc hwn neu bynciau cysylltiedig.

Bydd yn ofynnol hefyd i chi gwblhau lleoliad gwaith wyth wythnos o hyd yn eich blwyddyn astudio gyntaf.

Fel rhan o'r rhaglen bydd dysgwyr hefyd yn astudio tuag at gymhwyster Bagloriaeth Sgiliau Cymru Uwch.

Mae’r cwrs hwn yn gwrs lefel tri llawn amser sy’n gyfwerth â lefel Safon Uwch.

Nodweddion y Rhaglen

Ffermydd ffantastig fel mannau addysgu awyr agored
Balans ardderchog o wersi ymarferol a theori
Tîm o staff gofalgar deallus ymroddgar
Dulliau addysgu arloesol
Ystod o ymweliadau â diwydiant, ffermydd a sioeau
Ystod o siaradwyr gwadd

Cynnwys y Rhaglen

Egwyddorion Iechyd a Diogelwch
Ymgymryd â phrofiad cysylltiedig â gwaith yn y diwydiannau ar dir a’i adolygu
Gweithrediadau peiriannau ym maes y diwydiant ar dir
Cynhyrchu Cnydau Amaethyddol
Gwyddor Planhigion a Phridd
Ymgymryd â Sgiliau Ystâd
Hwsmonaeth Da Byw
Rheolaeth Busnes yn y Sector Ar Dir
Cynhyrchu Cnydau Porthiant
Iechyd a Maetheg Anifeiliaid Fferm
Rheoli Glaswelltir
Llygredd a Rheoli Gwastraff
Cynhyrchu Llaeth
Cynhyrchu Bîff
Cynhyrchu Defaid
Gwyddor Anifeiliaid Fferm
Cerbydau Pob Tir (ATV) a Wagenni Fforch Godi Delesgopig Tir Garw
Prosiect Arbenigol yn y Sector ar dir
Arferion Gweithdy
Rheoli Llygredd a Rheoli Gwastraff

Dilyniant a Chyflogaeth

Ar ôl gorffen, gallech: -

Astudio ar gyfer Gradd Sylfaen Lefel 4
Cofrestru ar Raglen Gradd BSc
Dod yn Brentis ar Fferm
Mae’n bosibl y byddwch yn symud ymlaen i weithio fel Cowmon/Rheolwr Buches, Technegydd Amaethyddol, magwr lloi neu stoc, Gweithredwr Peiriannau

Dull asesu

Mae asesu’r cwrs yn cynnwys arholiadau ffurfiol a osodir yn allanol, asesiadau ysgrifenedig ac asesiadau ymarferol gyda’r nod o brofi eich gwybodaeth a’ch sgiliau ymarferol.

Mae'r cymhwyster hwn ar gael i'w asesu drwy gyfrwng y Saesneg yn unig.

Gofynion Mynediad

Mae angen i bob ymgeisydd gael o leiaf pum TGAU gradd C, gan gynnwys mathemateg a Saesneg iaith neu Gymraeg (iaith gyntaf).

Neu byddwch wedi ennill gradd teilyngdod/rhagoriaeth mewn cymhwyster lefel dau perthnasol ynghyd â dau TGAU graddau A* i C mewn mathemateg a Saesneg iaith neu Gymraeg (iaith gyntaf)

Fel rheol mae mynediad yn amodol ar gyfweliad a fydd yn dangos addasrwydd at amaethyddiaeth. Mae’n hanfodol cael rhywfaint o brofiad o ffermio’n ymarferol.

Costau Ychwanegol

Mae’n ofynnol i bob dysgwr dalu ffi gweinyddu o £25 cyn cofrestru.

Disgwylir i ddysgwyr ddarparu eu welingtons blaenau dur, bŵts diogelwch, oferôls a dillad gwrth-ddŵr eu hunain ar gyfer sesiynau ymarferol.

Bydd angen i chi ddarparu eich deunydd ysgrifennu eich hun a hefyd gallwch fynd i gostau os yw'r adran yn trefnu ymweliadau addysgol.