Mae’r rhaglen hon yn galluogi myfyrwyr i ddarparu tystiolaeth eu bod yn gallu cyflawni swydd benodol neu sgil.

Mae’n darparu sylfaen dda gyda hyblygrwydd i ddiwallu arferion peirianegol cyfredol a rhai’r dyfodol hefyd.

Cynlluniwyd y rhaglen i gefnogi ymgeiswyr sydd am ennill cymwyseddau peirianneg mewn amgylchedd gwarchodol a rheoledig.

Mae’r llwybr dilyniant i brentisiaeth sylfaen a / neu lefel 3.

Hefyd anogir ymgeiswyr i ailsefyll TGAU mathemateg, Saesneg a Gwyddoniaeth ble y bo’n briodol.

Mae’n cynnwys:

• NVQ 64 credyd Perfformio Gweithrediadau Peirianneg EAL 
• Unedau Sgiliau Hanfodol fel y bo’n berthnasol
• Arholiadau ailsefyll TGAU mathemateg, Saesneg a gwyddoniaeth ble y bo’n briodol. 

Mae’r rhaglen yn darparu tystiolaeth eich bod yn gallu gwneud swydd benodol neu sgil hyd at safon lefel 2 a gall eich helpu i symud ymlaen i gyflogaeth neu i NVQ/BTEC lefel uwch neu gymhwyster tebyg.  Bydd yn datblygu dysgwyr sydd â sgiliau peirianneg eang ac fe fydd yn eu helpu i benderfynu ar arbenigedd peirianegol penodol (h.y. mecanyddol neu drydanol).

Asesiad parhaus o waith cwrs ymarferol a datblygiad portffolio.

Mae'r cymhwyster hwn ar gael i'w asesu drwy gyfrwng y Saesneg yn unig.

Y gofyniad mynediad ar gyfer y dyfarniad hwn yw tystysgrif lefel dau ac o leiaf dau TGAU gradd C a dau ar radd D. Dylai hyn gynnwys mathemateg a Saesneg neu Gymraeg iaith gyntaf o leiaf ar radd D, ac mae derbyniad i’r cwrs hefyd yn amodol ar gyfweliad sy’n cynnwys prawf diagnostig.

Mae rhaid i ymgeiswyr ddangos y sgiliau sylfaenol sy’n ofynnol ar gyfer y cwrs hwn, ynghyd ag awydd brwd i ennill cymhwyster peirianneg.

Mae’r holl gyrsiau peirianneg llawn amser yn cynnwys mecanyddol, trydanol/electronig/ffabrigo a weldio a cherbydau modur, yn cael eu hariannu’n llawn. 

Yn ogystal bydd gofyn i’r dysgwr ddarparu ei ddeunydd ysgrifennu ei hun a chyfarpar dosbarth sylfaenol sy’n briodol i’w gwrs (e.e. pennau a chyfrifiannell).

Mae’n ofynnol i bob dysgwr dalu ffi gweinyddu o £25 cyn cofrestru.