Mae’r rhaglen hon yn galluogi myfyrwyr i ddarparu tystiolaeth eu bod yn gallu cyflawni swydd benodol neu sgil. Mae’n darparu sylfaen dda gyda hyblygrwydd i ddiwallu arferion peirianegol cyfredol a rhai’r dyfodol hefyd

Cynlluniwyd y rhaglen i gefnogi ymgeiswyr sydd am ennill cymwyseddau peirianneg mewn amgylchedd gwarchodol a rheoledig.

Mae’r llwybr dilyniant i brentisiaeth sylfaen a / neu EAL lefel 3. Hefyd anogir ymgeiswyr i ailsefyll TGAU mathemateg, Saesneg a gwyddoniaeth ble y bo’n briodol.

Mae’r rhaglen yn cynnwys cwmpasu Tystysgrif L2 City & Guilds ac ailsefyll TGAU Mathemateg/Saesneg fel y bo’n berthnasol.

Mae’r rhaglen yn darparu tystiolaeth eich bod yn gallu gwneud swydd benodol neu sgil hyd at safon lefel 2 a gall eich helpu i symud ymlaen i gyflogaeth neu i NVQ/EAL lefel uwch neu gymhwyster tebyg. Bydd yn datblygu dysgwyr sydd â sgiliau peirianneg eang ac fe fydd yn eu helpu i benderfynu ar arbenigedd peirianegol penodol (h.y. mecanyddol neu drydanol).

Asesiad parhaus o waith cwrs ymarferol, datblygiad portffolio, aseiniadau a phrofion.

Mae'r cymhwyster hwn ar gael i'w asesu drwy gyfrwng y Saesneg yn unig.

Y gofyniad mynediad ar gyfer y dyfarniad hwn yw o leiaf dau TGAU ar radd C a dau ar radd D.  Dylai hyn gynnwys Mathemateg a Saesneg neu Gymraeg iaith gyntaf ar radd D o leiaf, ac mae derbyn yn amodol ar gyfweliad sy’n cynnwys prawf diagnostig.

Mae rhaid i ymgeiswyr ddangos y sgiliau sylfaenol sy’n ofynnol ar gyfer y cwrs hwn, ynghyd ag awydd brwd i ennill cymhwyster peirianneg.

Mae’r holl gyrsiau peirianneg llawn amser yn cynnwys mecanyddol, trydanol/electronig/ffabrigo a weldio a cherbydau modur, yn cael eu hariannu’n llawn. 

Yn ogystal bydd gofyn i’r dysgwr ddarparu ei ddeunydd ysgrifennu ei hun a chyfarpar dosbarth sylfaenol sy’n briodol i’w gwrs (e.e. pennau a chyfrifiannell). 

Mae’n ofynnol i bob dysgwr dalu ffi gweinyddu o £25 cyn cofrestru.