Coleg Sir Gâr - Peirianneg Fecanyddol

Peirianneg Fecanyddol - Rhaglen Uwch Lefel 3

Holi

Cipolwg

Llawn Amser
1 Flwyddyn
Campws y Graig

Mae Peirianneg Fecanyddol yn faes amrywiol a deinamig sy’n cwmpasu dylunio, dadansoddi, a gweithgynhyrchu systemau a dyfeisiau mecanyddol.

Cwrs blwyddyn llawn amser yn y coleg yw’r cwrs peirianneg fecanyddol hwn sy’n ymgorffori lleoliad gwaith o fewn y diwydiant.

Mae’r Diploma Atodol peirianneg 49 credyd lefel 3 EAL yn ffurfio blwyddyn gyntaf y Diploma Estynedig Technegol 149 credyd llawn (ar gyfer dilyniant llawn amser) neu’r Diploma Estynedig 99 credyd (ar gyfer dilyniant prentis, rhan-amser). Datblygir sgiliau ymarferol gan ddefnyddio diploma NVQ Perfformio Gweithrediadau Peirianneg (PEO) llawn 64 credyd lefel 2 EAL. Yn gynwysedig yn y rhaglen ddysgu uwch hon, ble bo’n berthnasol, mae unedau sgiliau hanfodol.

Nodweddion y Rhaglen

Bydd cwblhau’r rhaglen hon yn llwyddiannus yn sicrhau bod dysgwyr yn barod am waith ac wedi cael eu paratoi ar gyfer Prentisiaeth Fodern.
Datblygu Sgiliau Ymarferol
Lleoliad gwaith gyda chyflogwr
Ymweliadau ymwybyddiaeth ddiwydiannol

Cynnwys y Rhaglen

Diploma Atodol Lefel 3 mewn Peirianneg Fecanyddol
NVQ Lefel 2 Perfformio Gweithrediadau Peirianneg
Cymwysterau Sgiliau Hanfodol Cymhwyso Rhif, Cyfathrebu a Llythrennedd Digidol ble y bo’n berthnasol
Cyfleoedd lleoliad gwaith

Dilyniant a Chyflogaeth

Bydd cwblhau'r rhaglen yn llwyddiannus yn darparu sgiliau sy’n galluogi dilyniant i brentisiaeth statws cyflogedig, neu’r Diploma Estynedig Technegol lefel tri llawn amser.

Dull asesu

Asesir pob uned trwy arholiadau, profion, aseiniadau a gweithgareddau ymarferol.

Mae'r cymhwyster hwn ar gael i'w asesu drwy gyfrwng y Saesneg yn unig.

Gofynion Mynediad

Pum TGAU graddau A* - C sy’n cynnwys mathemateg a Saesneg/Cymraeg iaith gyntaf.
Cyfweliad llwyddiannus sy’n dangos cymhelliant ac ymrwymiad i’r rhaglen.
Prawf tueddfryd / asesiad cychwynnol.

Costau Ychwanegol

Mae’r holl gyrsiau peirianneg llawn amser yn cynnwys mecanyddol, trydanol/electronig/ffabrigo a weldio a cherbydau modur, yn cael eu hariannu’n llawn.

Yn ogystal bydd gofyn i’r dysgwr ddarparu ei ddeunydd ysgrifennu ei hun a chyfarpar dosbarth sylfaenol sy’n briodol i’w gwrs (e.e. pennau a chyfrifiannell).

Mae’n ofynnol i bob dysgwr dalu ffi gweinyddu o £25 cyn cofrestru.