Peirianneg Gyffredinol Lefel 1
Disgrifiad o'r Rhaglen
Mae'r rhaglen hon wedi'i chynllunio i fodloni ymgeiswyr sydd am gael sylfaen mewn sgiliau peirianneg ac sydd am ennill cymwyseddau peirianneg mewn amgylchedd cysgodol dan reolaeth.
Mae'r rhaglen maes dysgu lefel 1 hon yn cynnwys tystysgrif PEO lefel 1, ailsefyll TGAU Mathemateg/Saesneg (yn ôl yr angen) a Bagloriaeth Cymru ar lefel 1.
Nodweddion y Rhaglen
- Mae'r rhaglen hon yn galluogi myfyrwyr i ddarparu tystiolaeth eu bod yn gallu gwneud gwaith neu sgil benodol
- Mae'n gosod sylfaen dda a hyblyg ar gyfer bodloni arferion peirianneg presennol a rhai'r dyfodol
- Mae'r rhaglen wedi'i chynllunio i gefnogi ymgeiswyr sydd am ennill cymwyseddau peirianneg mewn amgylchedd cysgodol dan reolaeth
- Y llwybr dilyniant yw i brentisiaeth sylfaen a / neu BTEC lefel 2
- Caiff ymgeiswyr eu hannog hefyd i ailsefyll TGAU Mathemateg, Saesneg a Gwyddoniaeth ble bo'n berthnasol
Dilyniant a Chyflogaeth
Mae'r rhaglen yn darparu tystiolaeth eich bod yn gallu gwneud gwaith neu sgil benodol i safon lefel 1 a gall eich helpu i symud ymlaen i swydd neu i NVQ/BTEC lefel uwch neu gymhwyster tebyg.
Bydd yn datblygu dysgwyr sydd â sgiliau peirianneg eang ac yn eu helpu i benderfynu ar arbenigedd benodol ym maes peirianneg (h.y. mecanyddol, trydanol neu weldio). Byddai dilyniant fel arfer i'r rhaglen maes dysgu Peirianneg Gyffredinol 2.
Cynnwys y Rhaglen
Mae'r rhaglen hon yn cynnwys Tystysgrif PEO lefel 1, ailsefyll TGAU Mathemateg/Saesneg (fel sy'n berthnasol) a Bagloriaeth Cymru L1.
Asesu'r Rhaglen
Asesu gwaith cwrs ymarferol yn barhaus a datblygu portffolio.
Gofynion y Rhaglen
Y gofynion mynediad ar gyfer y dyfarniad hwn yw o leiaf dau TGAU gradd E (yn cynnwys Mathemateg a Chymraeg Mamiaith/Saesneg), ynghyd ag un radd C neu gyfwerth, ac yn amodol ar gyfweliad yn cynnwys profion diagnostig.
Rhaid i ymgeiswyr arddangos y sgiliau sylfaenol sydd eu hangen ar gyfer y cwrs hwn, gyda dymuniad brwd i gyflawni cymhwyster peirianneg.
Costau Ychwanegol
Mae’r holl gyrsiau peirianneg llawn amser sy’n cynnwys mecanyddol, trydanol/electronig/ffabrigo a weldio a cherbydau modur, yn cael eu hariannu’n llawn.
Mae costau ychwanegol i’r dysgwyr wedi’u cyfyngu i ffioedd cofrestru (a bennir yn flynyddol gan y coleg) a chyfraniad o £30 tuag at gost cyfarpar diogelu personol.
Hefyd, bydd angen i’r dysgwr ddarparu ei ddeunydd ysgrifennu ei hun a chyfarpar ystafell ddosbarth sylfaenol sy’n briodol i’w gwrs (e.e. pennau ysgrifennu a chyfrifiannell).
Mae’n ofynnol i bob dysgwr dalu ffi gweinyddu o £45 cyn cofrestru.
Bydd angen i chi ddarparu eich deunydd ysgrifennu eich hun, a hefyd gallwch fynd i gostau os yw'r adran yn trefnu ymweliadau addysgol.