Sgiliau ar gyfer Annibyniaeth a Gwaith Lefel 2

Disgrifiad o'r Rhaglen

Nod y cwrs hwn yw datblygu eich sgiliau personol, cymdeithasol a galwedigaethol ac mae'n eich helpu i wella sgiliau hanfodol gan gynnwys rhifedd, llythrennedd a TGCh.

Byddwch yn samplu amrywiaeth o sgiliau cysylltiedig â gwaith i sicrhau bod eich anghenion yn cael eu diwallu. Mae dysgu wedi'i gynllunio i fodloni gofynion unigol ac efallai y byddwch chi'n cymryd rhan mewn ymweliadau addysgol a gweithgareddau hamdden gyda'r nod o ddatblygu eich sgiliau cymdeithasol a'ch hyder.

Gellir cyflwyno'r cwrs dros gampysau’r Graig a Rhydaman. Addysgir y cwrs ar lefel Mynediad 2 gyda llwybr dilyniant clir.

Gall y cwrs hefyd helpu i'ch paratoi ar gyfer astudio o fewn rhaglenni galwedigaethol prif ffrwd.

Nodweddion y Rhaglen

Byddwch yn gallu cael mynediad i ystod o gyfleoedd er mwyn cael rhagflas galwedigaethol gydag opsiynau i ennill cymwysterau ychwanegol. Byddwch yn derbyn cymorth ystafell ddosbarth ac arweiniad gyrfaol arbenigol.

Dilyniant a Chyflogaeth

Gallwch gymryd dau lwybr clir, gallwch naill ai symud ymlaen i'r Dyfarniadau Sgiliau ar gyfer Gwaith Mynediad 3 er mwyn astudio galwedigaethol pellach neu gallwch symud ymlaen i'r cwrs Datblygiad Personol a Chymdeithasol Mynediad 3.

Gall y ddau gwrs hyn arwain at  naill ai gyrsiau coleg prif ffrwd neu gyflogaeth. Fel arall, gallai'r cyrsiau arwain at lwybrau cyflogaeth â chymorth.

Cynnwys y Rhaglen

Bydd dysgwyr yn dilyn rhaglen diwtorial y coleg ynghyd â sesiynau rhifedd a llythrennedd. Mae'r modiwlau galwedigaethol yn cynnwys:

• Ar dir (Gofal Anifeiliaid Bach a Garddwriaeth)
• Celf a dylunio
• Iechyd a gofal cymdeithasol
• Chwaraeon a hamdden actif
• Lletygarwch ac arlwyo
• Sgiliau ymarferol (gwaith saer)

Bydd y cwrs hefyd yn cynnwys y canlynol:

• Rhaglen diwtorial 
• Adolygiadau cynnydd
• Datblygiad llythrennedd a rhifedd drwy lwybrau amrywiol: ailsefyll TGAU, Cymwysterau Agored, Sgiliau Hanfodol Cymru a WEST
• Byddwch Actif

Asesu'r Rhaglen

Cesglir tystiolaeth arddull portffolio ac asesir deilliannau dysgu trwy weithgareddau ymarferol a gwaith sy’n seiliedig ar aseiniadau.

Gofynion y Rhaglen

Nid oes unrhyw ofynion mynediad ffurfiol ond fe'ch gwahoddir i ddod i gyfweliad anffurfiol lle byddwn yn asesu eich anghenion dysgu a’ch diddordeb galwedigaethol ac yn eich matsio i'r cwrs mwyaf priodol.

Costau Ychwanegol

Mae’n ofynnol i bob dysgwr dalu ffi gweinyddu o £45 cyn cofrestru.

Bydd angen i chi ddarparu eich deunydd ysgrifennu eich hun, a hefyd gallwch fynd i gostau os yw'r adran yn trefnu ymweliadau addysgol.