Dechrau Newydd

Mae tîm tiwtoriaid y cwrs Dechrau Newydd yn unigolion profiadol a medrus sy’n cyflwyno addysgu a dysgu i fyfyrwyr sydd angen cymorth ychwanegol a chymhelliant er mwyn adennill eu diddordeb mewn addysg. 

Mae llawer o agweddau ar y cwrs yn seiliedig ar sesiynau adeiladu tîm gweithredol er mwyn helpu dysgwyr i fagu hyder ac ennill sgiliau tîm, gyda llawer ohono’n cael ei gyflwyno fel rhan o Wobr Efydd Dug Caeredin. Yn ogystal targedir datblygiad sgiliau mewn rhifedd a llythrennedd ar hyd y flwyddyn. 

Tua diwedd y cwrs, bydd myfyrwyr yn derbyn cymorth ac arweiniad i’w helpu i ddewis llwybr dilyniant priodol.

Mae elfennau craidd y cwrs yn cynnwys:

• Cymhwyster galwedigaethol lefel tri Mynediad.
• Gwobr Efydd Dug Caeredin      
• Rhaglen diwtorial      
• Adolygiad cynnydd      
• Datblygiad llythrennedd a rhifedd trwy lwybrau amrywiol: ailsefyll TGAU, Cymwysterau Agored , Sgiliau Hanfodol Cymru a WEST      
• Byddwch Actif

Mae'r cwrs yn cefnogi cyfleoedd i symud ymlaen i gwrs sylfaen y coleg neu i gyfleoedd hyfforddi eraill.

Cyflwynir y rhaglen mewn amgylchedd dysgu tra chefnogol. 

Asesir unedau galwedigaethol yn fewnol trwy aseiniadau ac arsylwadau gan diwtoriaid. Asesir sgiliau trwy asesiadau ysgrifenedig.

Nid oes unrhyw ofynion mynediad ffurfiol. Asesir addasrwydd ar gyfer y cwrs hwn yn y cyfweliad.

Bydd gan ddysgwyr sy'n symud ymlaen o gwrs yng Ngholeg Sir Gâr wahanol ofynion mynediad, sy’n cynnwys - cwblhau ac ymgysylltu'n llwyddiannus ar y rhaglen astudio gyfredol, datblygiad sgiliau profedig, lefelau presenoldeb da a bydd ganddynt eirda cadarnhaol.