Mae Cyfrifiadura Cymhwysol yn cwmpasu ystod eang o bynciau cyfrifiadura a hynny gan barhau i gyflwyno'r modiwlau cyfrifiadura hanfodol craidd. Cynlluniwyd y cwrs i roi'r hyblygrwydd mwyaf i'r myfyriwr wrth iddo ddewis modiwlau sy'n ateb ei nodau personol. Mae'r dull hwn yn rhoi mwy o gyfle i'r myfyrwyr ddatblygu sgiliau sy'n cysylltu agosaf â'u profiad diwydiannol a'u hanghenion eu hunain.

Mae twf enfawr y Rhyngrwyd, y doreth o rwydweithiau cyfrifiadurol, dyfeisiau rhaglenadwy a systemau gwybodaeth mewn amrywiol ffurfiau, a'r gyfradd newid sy'n prysur gyflymu, yn sicrhau y bydd yna angen parhaus am weithwyr sydd â sgiliau a chymwysterau cyfrifiadura cyfoes.

Mae'r Rhyngrwyd, yn benodol, yn chwyldro technolegol pwysig sydd yn cael ac a fydd yn parhau i gael effaith enfawr ar gymdeithas. Mae'r newid radical, trawsnewidiol a welwyd ym maes cyfrifiadura, a dibyniaeth sefydliadau ar dechnoleg er mwyn cael mantais gystadleuol, yn rhesymau cryf dros ymgorffori syniadau, paradeimau a thechnolegau newydd mewn rhaglenni'n ymwneud â chyfrifiadura.

Caiff yr arbenigedd a'r sgiliau yr ydych yn eu datblygu dros y rhaglen astudio eu gwerthfawrogi'n fawr gan gyflogwyr.

Nodweddion y Rhaglen:

• Rhaglen astudio a gyflwynir yn lleol sy'n cwmpasu'r holl agweddau cyffredinol ar gyfrifiadura sy'n berthnasol i bob sefydliad

• Cymarebau da o ran nifer y staff i nifer y myfyrwyr, sy'n sicrhau cyswllt cyson a chymorth gan diwtoriaid

• Datblygu ystod o sgiliau, technegau, nodweddion personol a phriodoleddau sy'n hanfodol ar gyfer perfformiad llwyddiannus mewn bywyd gwaith ac sydd felly yn galluogi'r dysgwyr i gyfrannu'n syth i fyd gwaith ar y lefel broffesiynol briodol.

• Rhaglen alwedigaethol arbenigol, sydd wedi'i chysylltu â gofynion cyrff proffesiynol a'r Safonau Galwedigaethol Cenedlaethol.

• Mae'n darparu cyfle i ddysgwyr rhan-amser ennill HNC/HND neu gamu i fyd gwaith.

• Mae'n darparu astudiaethau arbenigol sy'n berthnasol i alwedigaethau a phroffesiynau lle mae dysgwyr yn gweithio neu'n bwriadu chwilio am waith mewn diwydiannau cysylltiedig.

Gall myfyrwyr uwchraddio i'r HND/BSc mewn Cyfrifiadura Cymhwysol, hefyd bydd yna gyfle i symud ymlaen ymhellach ar Lefel Meistr.

Gall myfyrwyr sy'n cwblhau'r cwrs yn llwyddiannus geisio am waith mewn ystod eang o feysydd yn y sectorau cyhoeddus a phreifat. Mae cyn-fyfyrwyr wedi cael gyrfaoedd mewn dylunio gwefannau, rhaglennu, dadansoddi systemau, rheoli rhwydweithiau, dysgu/darlithio neu ymgynghoriaeth.

• Sgiliau Academaidd a Chyflogadwyedd (20 credyd)
• Pensaerniaeth Gyfrifiadurol a Rhwydweithiau (20 credyd)
• Dadansoddi a Delweddu Data (20 credyd)
• Peirianneg Gwybodaeth (20 credyd)
• Technoleg a Diogelwch Rhyngrwyd (20 credyd)
• Datblygu Meddalwedd (20 credyd)

Caiff y cwrs ei asesu trwy aseiniadau ac arholiadau. 

32 o bwyntiau tariff UCAS

Mae graddau'n bwysig; fodd bynnag, nid yw ein cynigion yn seiliedig ar ganlyniadau academaidd yn unig. Mae gennym ddiddordeb mewn pobl greadigol sy'n dangos ymrwymiad cryf i'r maes pwnc a ddewiswyd ganddynt ac felly rydym yn croesawu ceisiadau gan unigolion o ystod eang o gefndiroedd. Er mwyn asesu addasrwydd myfyrwyr ar gyfer y cwrs o'u dewis, byddwn fel rheol yn trefnu cyfweliadau i bob ymgeisydd lle bydd eich sgiliau, eich cyflawniadau a'ch profiad bywyd yn cael eu hystyried yn ogystal â'ch cymwysterau.