Croeso i
Cegin Sir Gâr.

Cegin Sir Gâr yw cyfleuster hyfforddi Coleg Sir Gâr ar gyfer egin-gogyddion a maître d’staff. Mae’r Cegin Sir Gâr yn cynnig bwydlen table d’hote ac mae wedi hen ennill ei blwyf am ansawdd ei fwyd a’i wasanaeth, a gallwch fwynhau prydau o safon bwyty am brisiau rhesymol.

Ers nifer o flynyddoedd mae Cegin Sir Gâr wedi rhoi cyfle i fyfyrwyr coginio proffesiynol a lletygarwch allu gwasanaethu’r cyhoedd mewn amgylchedd bwyty go iawn, gan roi profiad gwerthfawr iddynt o’r diwydiant ac o ymwneud â chwsmeriaid.

Mae llawer o gyn-fyfyrwyr wedi symud ymlaen i weithio ym mwytai gorau Llundain ac wedi gweithio mewn gwestai a bwytai megis Claridge’s a L’Esgargot.

Mae un cyn-fyfyriwr hefyd wedi gweithio gyda Marco Pierre White ac ar leoliad gyda Gary Rhodes. Mae gan bob un o’r tiwtoriaid yn y coleg brofiad o’r diwydiant. Gyda chefnogaeth gan gyflogwyr, maent mewn sefyllfa dda i baratoi myfyrwyr ar gyfer yr elfennau ymarferol a theori o weithio yn y diwydiant. Drwy gydol y flwyddyn bydd Cegin Sir Gâr yn croesawu rhai o brif bencogyddion gwadd y sir i weithio gyda myfyrwyr, gan gynhyrchu bwydlenni arbennig a digwyddiadau ar gyfer y cyhoedd.

Mae gan y bwyty hefyd gyfleuster bach sydd ar gael i’w logi ar gyfer seminarau a chyfarfodydd.