Daeth tîm busnes y coleg â medal arian adref o ddigwyddiad Cystadleuaeth Sgiliau Cymru lle gwnaethon nhw gyflwyno eu syniadau busnes yn fyw ar lwyfan.

Mae’r fedal arian yn un o 25 a enillwyd gan y coleg yn y digwyddiad ar draws Cymru gyfan, gan brofi bod ein henillwyr medalau ymhlith y dysgwyr galwedigaethol gorau yng Nghymru.

Trefnwyd y cystadlaethau gan brosiect Llywodraeth Cymru, sef Ysbrydoli Rhagoriaeth Sgiliau yng Nghymru, sy’n cefnogi cystadleuwyr ar draws Cymru i ddatblygu eu sgiliau galwedigaethol hyd at safonau gorau’r byd.

Mae myfyriwr busnes yng Ngholeg Sir Gâr wedi ennill Her Arloesi’r DVLA sy’n cael ei rhedeg mewn partneriaeth â Simply Do a Chyngor Sir Caerfyrddin.

Gwnaeth Davey Hampton, sy’n astudio diploma estynedig mewn busnes, ddarparu datrysiadau i’r DVLA ar gyfer recriwtio mwy o ddynion i rolau gweinyddu.

Cynigiwyd datrysiadau posibl gan Davey a awgrymodd gynnal ymgyrchoedd recriwtio mewn digwyddiadau ble roedd mwy o ddynion yn debygol o fod yn bresennol gan wella niferoedd y ceisiadau oddi wrth ddynion oedd yn ceisio gwaith.

Yn ogystal gwnaeth waith ymchwil i ystadegau’r Swyddfa Ystadegau Gwladol (ONS) ar sut mae dynion a menywod yn gwahaniaethu yn eu gweithgareddau hamdden, gan ganiatáu dull mwy targedig o fynd i’r afael â recriwtio.

Meddai Davey Hampton: "Rwy’n teimlo’n gyffrous iawn am ennill Cystadleuaeth y DVLA ac rwy’n edrych ymlaen yn fawr iawn at gydweithio gyda nhw i wneud fy syniad yn realiti."

Mae Her Arloesi’r DVLA yn rhan o’r Prosiect CELTIC ac roedd yn cynnwys Coleg Gŵyr, Coleg Sir Gâr, NPTC, Coleg Sir Benfro, PCYDDS a Phrifysgol Abertawe.

Enillodd myfyrwyr busnes a menter gystadleuaeth am eu sgiliau entrepreneuriaidd a chipio dwy brif wobr.

Gan herio myfyrwyr o Goleg Sir Gâr, Coleg Ceredigion a Choleg Sir Benfro, roedd y gystadleuaeth yn canolbwyntio ar bum sector allweddol.

Aeth myfyrwyr Coleg Sir Gâr ati i greu busnes o’r enw Prosiect Opal sy’n gwerthu breichledau cywarch personoledig wedi’u trwytho â lafant a grisialau i helpu tawelu’r rheiny â phroblemau iechyd meddwl. Y cwmni hwn enillodd wobr y categori gofal.

Enillodd y myfyriwr busnes Davey Hampton, y brif wobr am ei wasanaeth ar-lein, Mobility, sy’n darparu gwybodaeth ynghylch hygyrchedd busnesau yn Sir Gaerfyrddin.

Trefnwyd y Gystadleuaeth Fenter Ranbarthol gan Syniadau Mawr Cymru a Business in Focus.