Ymgyrch diogelwch dŵr y coleg yn gwneud argraff mewn digwyddiad a gefnogir gan Sefydliad Cenedlaethol Brenhinol y Badau Achub (RNLI)

Hefyd roedd Dawn and Paul O’Keeffe, cyflwynwyr addysg yr RNLI wrth law i annog staff a myfyrwyr i gymryd rhan yn yr ymarfer ‘soffa i griw bad achub’ lle buont yn rasio yn erbyn y cloc i wisgo’n gyflym y cit a ddefnyddir gan griw i achub bywydau ar y môr.

Cynhaliwyd llawer o weithgareddau eraill fel codi arian ar gyfer yr RNLI gyda chystadleuaeth, cystadleuaeth gweld y perygl ar y môr ac arddangosiadau ymarferol gan fyfyrwyr antur awyr agored.

Meddai Tanya Knight, darlithydd sylfaen a drefnodd yr ymgyrch gyda’i myfyrwyr: “Rydyn ni’n ceisio rhannu gwybodaeth bwysig mewn ffordd sy’n hwyl ond yn addysgiadol i fyfyrwyr, fel eu bod yn gwybod beth i wneud mewn argyfwng posibl.

“Un o’r ymgyrchoedd yw ‘Arnofio er mwyn Byw’ sy’n rhoi cyngor hanfodol  ar beth i wneud pe byddech yn syrthio i mewn i ddyfroedd oer.

“Mae ein grŵp sylfaen yn cymryd rhan mewn ‘mordaith iechyd meddwl’ ar long Her Cymru hefyd felly mae’n gwneud synnwyr i gysylltu ymgyrch ddiogelwch i’r siwrnai, yn enwedig gan ein bod yn nesáu at y gwanwyn a’r haf pan fydd pobl yn mynd ar grwydr i ddyfroedd mwy cynnes.”