Gofal Ceffylau Lefel 2

Disgrifiad o'r Rhaglen

Mae'r Dystysgrif Dechnegol Lefel 2 hon mewn Gofal Ceffylau yn gyflwyniad i reolaeth ceffylau a stablau ar gyfer y rheiny sy'n dymuno dilyn gyrfa yn y Diwydiant Ceffylau. Nod y rhaglen yw datblygu sgiliau'r dysgwr ac mae'n darparu gwybodaeth helaeth yn ymwneud â cheffylau a'r diwydiant ceffylau. Bydd myfyrwyr yn treulio wythnos yn y dosbarth bob yn ail ag wythnos ar iard gystadlu'r coleg, sydd hefyd yn ganolfan arholi Cymdeithas Geffylau Prydain. Mae gan yr iard amrywiaeth o geffylau wedi'u gwastrodi'n dda, a ddefnyddir ar gyfer hyfforddiant mewn dressage a neidio ceffylau. Caiff myfyrwyr y cyfle i gymryd rhan mewn cystadlaethau a gynhelir gan y coleg ac i dderbyn hyfforddiant oddi wrth hyfforddwyr ac arholwyr Cymdeithas Geffylau Prydain (BHS). Mae'r cwrs yn cynnwys uned brofiad gwaith orfodol, sy'n golygu 150 o oriau o brofiad gwaith drwy gydol y flwyddyn mewn canolfan geffylau addas. Darperir cyfleoedd hefyd i sefyll TGAU mewn Saesneg a Mathemateg ac i ddatblygu'r Gymraeg.

Yn ogystal bydd y dysgwr yn cael y cyfle i gymryd arholiadau Cam Un BHS a Marchogaeth a Diogelwch ar y Ffordd, pan fydd yn cyrraedd y safon ofynnol.

Cipolwg

Llawn Amser

Blwyddyn

Campws Pibwrlwyd

Nodweddion y Rhaglen

Iard gystadlu gyda cheffylau wedi'u dysgu ar gyfer dressage a neidio
Cyfle i sefyll Arholiadau Cam BHS a'r Prawf Marchogaeth a Diogelwch ar y Ffyrdd fel rhan o'r cwrs
Amgylchedd cefnogol i ddatblygu eich sgiliau
Mae profiad gwaith a Sgiliau Hanfodol yn cynyddu eich siawns o gael gwaith ar ôl cwblhau'r cwrs
Cyfleoedd i gystadlu ar eich ceffyl eich hun neu geffylau'r coleg
Darperir cymorth dysgu yn yr ystafell ddosbarth a thrwy sesiynau wythnosol yn y Parth Astudio os oes angen.
Mae tiwtorialau rheolaidd yn monitro cynnydd ar y cwrs

Cynnwys y Rhaglen

Unedau Craidd:

Iechyd a diogelwch ar gyfer y Diwydiannau Ar Dir
Gweithio yn y Diwydiant Ceffylau
Iechyd a lles ceffylau
Tac a chyfarpar ceffylau
Ymgymryd â dyletswyddau rheolaidd y stabl
Egwyddorion bwydo a dyfrio ceffylau
Trin a gwastrodi ceffylau
Cyflwyniad i arwain ceffylau

Unedau Opsiynol:

Marchogaeth ceffylau ar y fflat;
Anatomeg a ffisioleg ceffylau
Cadw ceffylau ar laswellt

Dilyniant a Chyflogaeth

Gall myfyrwyr sy'n cwblhau'r cwrs hwn yn llwyddiannus ar lefel teilyngdod neu uwch symud ymlaen i'r Diploma Estynedig Lefel 3 neu i swyddi. Ceir galw cynyddol am bobl â sgiliau ymarferol da i weithio mewn iardiau stablau, gwaith styd a rasio. Caiff arholiadau Cymdeithas Ceffylau Prydain eu cydnabod gan y diwydiant ar hyd a lled y byd.

Asesu'r Rhaglen

Asesiad synoptig ac aseiniadau unedau unigol: Cânt eu gosod yn allanol, eu marcio'n fewnol a'u cymedroli'n allanol.

Arholiad theori diwedd y flwyddyn: Caiff ei osod yn allanol a’i farcio’n allanol a gellir ei sefyll naill ai ar-lein neu fel papur ysgrifenedig.

Mae arholiadau Cymdeithas Geffylau Prydain yn seiliedig ar waith ymarferol ac ar theori. Gellir ymgymryd â'r adran gwybodaeth a gofal ceffylau ynghyd â'r adran farchogaeth yn Uned Geffylau Campws Pibwrlwyd y coleg.