Disgrifiad o'r Rhaglen
Mae cwrs Pympiau Gwres Domestig yr NICEIC wedi'i gynllunio i roi'r sgiliau perthnasol i beirianwyr gwresogi a phlymio i’w galluogi i: ddylunio, gosod, profi, comisiynu, trosglwyddo, gwasanaethu a chanfod diffygion mewn systemau pympiau gwres ffynhonnell daear ac aer.
Bydd y cwrs yn cynnwys gwybodaeth am ystod eang o bynciau gan gynnwys egwyddorion gweithio sylfaenol systemau pympiau gwres, gofynion rheoliadau/safonau perthnasol yn ymwneud â gosod ymarferol, profi, a gweithgareddau comisiynu ar gyfer gwaith gosod pympiau gwres, egwyddorion dylunio sylfaenol ar gyfer dyluniad cylched gasglu ‘dolen gaeedig’ pympiau gwres o’r ddaear a meintiau cydrannau, cynlluniau gosod cylchedau casglu ‘dolen agored’ pympiau gwres sy’n defnyddio dŵr, cyfrifiadau colli gwres dyluniadau ar gyfer anheddau domestig a chyfrifo allbwn ynni o reiddiaduron traddodiadol gan ystyried y lefel ynni is a gynhyrchir gan bympiau gwres.
Mae’r cwrs hwn wedi'i gynllunio, ac yn cael ei gyflwyno, yn unol â meini prawf diweddaraf NOS/QFC a gofynion cynllun MCS.
Cipolwg
3 Diwrnod
Pencadlys Thermal Earth, Capel Hendre
Ar gyfer pwy mae'r cwrs?
Mae'r cwrs hwn yn ddelfrydol ar gyfer peirianwyr gwaith plymwr a gwresogi profiadol sydd am wella eu gwybodaeth a'u dealltwriaeth o bympiau gwres gyda'r bwriad o wneud cais am gofrestriad Person Cymwys/MCS/y Fargen Werdd.
Gofynion Mynediad
Er mwyn mynychu, rhaid i chi feddu ar y canlynol:
● NVQ Lefel 2 mewn gwaith plymwr neu Gwresogi ac Awyru (domestig) neu gyfwerth
● Tystysgrif cymhwysedd ar gyfer gosod systemau dŵr poeth heb fentiau
● Cymhwyster Rheoliadau Dŵr a gymeradwyir gan WRAS
● Cymhwyster Effeithlonrwydd Ynni a roddwyd gan gorff achrededig 17024 UKAS
● Cymhwyster Iechyd a Diogelwch a achredwyd yn annibynnol sy'n cwmpasu Gweithio ar Uchder, CoSHH a chymwysterau Codi a Chario
Dilyniant
Bydd y llywodraeth yn darparu grantiau i annog perchnogion eiddo i osod systemau gwresogi carbon isel fel pympiau gwres, trwy'r Cynllun Uwchraddio Boeleri 2022 - 2025. Bydd y grantiau hyn yn helpu perchnogion eiddo i fynd i’r afael â’r gost ymlaen llaw sy’n gysylltiedig â thechnolegau gwresogi carbon isel. Bydd y cynllun yn agored i eiddo domestig ac annomestig bach yng Nghymru a Lloegr o 2022 - 2025.
Cost
Mae'n bosibl y bydd cyllid PLA (Cyfrif Dysgu Personol) a/neu React ar gael i unigolion cymwys er mwyn ariannu'r cwrs hwn. Cliciwch yma i gael rhagor o wybodaeth ac i wirio cymhwysedd.
