Cwrs rhan-amser yw hwn sy’n seiliedig ar weithdai ac ymarfer ac mae wedi'i anelu at weithwyr chwarae profiadol sydd â gwybodaeth a dealltwriaeth eang o blant a phobl ifanc a gwerthfawrogiad dwfn o egwyddorion ac ymarfer gwaith chwarae. 

Caiff yr holl ddysgwyr eu cefnogi gan aseswr a fydd yn monitro cynnydd tuag at gyflawni targedau yn rheolaidd. 

Bydd yr aseswr yn cysylltu'n agos â'r cyflogwr i sicrhau bod y cymwysterau yn cael eu cyflawni o fewn y raddfa amser a bydd yn asesu’r dysgwr yn y gweithle.  

Cyflwynir gwybodaeth trwy weithdai a addysgir a bydd yn cynnwys: 

• Theorïau chwarae, mathau ac amgylcheddau chwarae, 
• Egwyddorion ymarfer
• Cyfle Cyfartal
• Diogelu
• Iechyd a Diogelwch 
• Perthnasoedd o fewn yr amgylchedd chwarae. 

Bydd y cwrs hwn yn ymwneud â chynnwys a all fod yn sensitif a pheri gofid i rai myfyrwyr. Eir i’r afael â phynciau fel cam-drin, diogelu, iechyd meddwl a chaethiwed gyda rhai meysydd a addysgir yn cynnwys mwy o fanylion nag eraill.

Gallai dysgwyr sydd wedi cwblhau’r cwrs hwn yn llwyddiannus symud ymlaen i radd mewn disgyblaeth gysylltiedig. 

Gallai swyddi posibl gynnwys: 

• Swyddog Datblygu Gwaith Chwarae
• Goruchwyliwr Canolfan Antur
• Gweithiwr Chwarae mewn Ysbyty 
• Rheolwr unrhyw Ddarpariaethau Gwaith Chwarae. 

Caiff y cymhwyster ei asesu gan eich tiwtor a’ch aseswr gan ddefnyddio ystod o ddulliau. Bydd hyn yn cynnwys arsylwadau uniongyrchol yn y gweithle, portffolio o dystiolaeth ac aseiniadau ysgrifenedig. 

Bydd angen i chi fod mewn gwaith â thâl neu’n gwirfoddoli yn y sector gofal plant. 

Costau’r cwrs £158.