• Bydd yr holl ddysgwyr yn cael eu cefnogi gan ymgynghorydd hyfforddi/aseswr a fydd yn monitro cynnydd tuag at gyflawni targedau yn rheolaidd (bob 56 i 61 diwrnod).
• Bydd yr ymgynghorydd hyfforddi/aseswr yn cysylltu'n agos â'r cyflogwr i sicrhau bod y cymwysterau yn cael eu cyflawni o fewn y raddfa amser.
• Bydd yr ymgynghorydd hyfforddi/aseswr yn asesu’r prentis yn y gweithle yn ôl yr angen (bob 56 i 61 diwrnod).

Bydd rhaid i ddysgwyr gyflawni fframwaith o gymwysterau, a fydd yn cynnwys unedau craidd ac ychwanegol, bydd y dysgwr, y cyflogwr a’r ymgynghorydd hyfforddi yn dewis yr unedau ychwanegol gyda’i gilydd.  Bydd y dewis o unedau ychwanegol yn unigol i bob dysgwr yn seiliedig ar yr hyn mae’n ei wneud yn y gweithle. 

Hefyd bydd angen i’r dysgwr gyflawni:

• Sgiliau Hanfodol Cymru Cymhwyso Rhif (Lefel 1)
• Sgiliau Hanfodol Cymru Cyfathrebu (Lefel 1)
• Mewn rhai amgylchiadau gellir defnyddio cymwysterau procsi a gyflawnwyd yn flaenorol

Gall dysgwyr sydd wedi cwblhau’r cwrs hwn yn llwyddiannus symud ymlaen i brentisiaeth ar lefel tri.

Portffolio gwaith cwrs, cwestiynu ysgrifenedig a llafar, arsylwadau yn y gwaith a thystiolaeth yn y gwaith.

Does dim gofynion mynediad penodol ar gyfer y brentisiaeth sylfaen lefel dau mewn amaethyddiaeth, fodd bynnag, mae yna gymwysterau a phrofiad a fydd yn helpu dysgwyr i ddeall y sector cyn cychwyn.

• Dyfarniad/Tystysgrif/Diploma Lefel 1 mewn Amaethyddiaeth Seiliedig ar Waith.
• Gweithio yn y diwydiant ar hyn o bryd.

Bydd ymgynghorwyr hyfforddi yn ymgymryd â chyfweliad cychwynnol a bydd dysgwyr yn cwblhau prawf sgiliau sylfaenol er mwyn sicrhau eu bod yn astudio ar y lefel gywir, sef un, dau, tri neu bedwar. Mae yna ofynion meini prawf cymhwyster y mae rhaid i bob darpar Brentis eu bodloni. Caiff hyn ei asesu yn y cyfweliad. Ariennir y rhaglenni hyn yn rhannol gan Gronfa Gymdeithasol Ewrop drwy Lywodraeth Cymru.